Brıansk mashına jasaý zaýytynyń (RF) 2TE25KM eki seksııalyq magıstraldyq lokomotıvi salmaǵy 6 400 tonnaǵa deıingi júk poıyzdaryn tarta alady. Burynǵylarǵa qaraǵanda, osy teplovozdyń birtalaı artyqshylyǵy bar: joǵary tartý kúshi, ornatylǵan dıagnostıka quraldaryn qoldaný, zalaldy zattardyń shyǵarylýy tómen, kúshtiń shyǵyndary ońtaılandyrylǵan. Qurylym ereksheligine baılanysty, 2TE25KM modeliniń paıdalaný shyǵyndary, sonyń ishinde janarmaı shyǵyny burynǵy modelderden az.
Budan basqa, taǵy eki sý jańa teplovoz kásiporynnyń ishki joldarynda aýyr shyǵarý jáne dóńestik jumystardy oryndaıdy. Týra sol óndirýshi zaýytynyń TEM 18 DM manevrlik teplovozdary jańa úlkeıtilgen mashınıst kabınasymen, jetildirilgen jáne únemdi dızel-generatorymen jabdyqtalǵan. Teplovozdarda borttyq energııamen jabdyqtaý, mıkroprosessorlyq basqarý jáne dıagnostıka júıeleri, sonymen qatar mashınıst kabınasynda mıkroklımat júıesi qoldanylady. Atalǵan júıeler janarmaıdyń qosymsha únemdelýin, lokomotıvke tehnıkalyq qyzmet kórsetý jáne jóndeý shyǵyndaryn azaıtýdy jáne lokomotıv brıgadalarynda eńbek jaǵdaılarynyń jaqsartýyn qamtamasyz etedi.
– Bul teplovozdar birneshe jyldyq tekserýden ótken jáne paıdalanǵan jyldary ózderin óte jaqsy jaǵynan kórsetken modelderdiń negizinde jasalǵan, – dep eskertti «Shubarkól kómir» AQ temir jol sehynyń bastyǵy Vıacheslav Bortvın. – Olar qozǵalys qaýipsizdigi men eńbekti qorǵaý salasyndaǵy barlyq zamanaýı talaptarǵa, sonymen qatar ERG tehnıkalyq talaptaryna sáıkes keledi. Bul - bizdiń barlyq josparlarymyzdy júzege asyrýǵa kómektesetin senimdi jabdyq.
Jańa tehnıkany satyp alý «Shubarkól kómir» AQ 2019 jylǵy ınvestısııalyq baǵdarlama aıasynda iske asyrylǵan. Qosymsha lokomotıvterdi qoldaný kompanııanyń 2018 jylǵa qaraǵanda, 2019 jyly 1,5 mln tonnaǵa artyq kómir jóneltý josparyn júzege asyrýyna eleýli túrde yqpal etedi.
