5 tonna ıissý
Qordaı shekara otrıadyna qarasty «Qarasý-avto» baqylaý bólimshesinde «Skanııa» avtokóligimen Qyrǵyz Respýblıkasynan elimizge qaraı parfıýmerııalyq zattar (áıelder ıissýlary) alyp kele jatqan 29 jastaǵy qazaqstandyq ustaldy.
Jalpy salmaǵy 5 tonnadan astam ıissý aktilenip Jambyl oblysy boıynsha memlekettik kiris departamentiniń qyzmetkerlerine tapsyryldy.
Asqabaqtar
Dál osy bólimshede 2019 jyldyń 24 qańtarynda, saǵat 18-der shamasynda «MAN» júk kóligimen kórshi elden Qazaqstanǵa qaraı 13 tonna asqabaq ákele jatqan 33 jastaǵy qazaqstandyq ustaldy. Keshe, tańǵy 4-terde dál osyndaı júk kóligimen 8 tonna asqabaqty zańsyz ótkizbekshi bolǵan taǵy bir 33 jastaǵy qazaqstandyq ustalǵan bolatyn. Taýar aktilenip Jambyl oblysy boıynsha memlekettik kiris departamentiniń qyzmetkerlerine tapsyryldy.
Qurt
Atalǵan otrıadtyń «Qordaı-avto» bólimshesinde saǵat 22-ler shamasynda 35 jastaǵy reseılik ustaldy. Ol elimizge 40 kg qurt (sút ónimi) ákele jatqan eken.
Qytaı dári-dármegi
Qorǵas shekaralyq baqylaý otrıadynyń «Shekara boıy halyqaralyq yntymaqtastyǵy ortalyǵy» bólimshesinniń shekara narıady 2019 jylǵy 24 qańtar kúni, saǵat 17.00 shamasynda Yntymaqtastyq ortalyǵynan, shekaralyq jáne kedendik baqylaýdan ótip, qaıtyp kele jatqan 23 jastaǵy qazaqstandyqty ustady. Ol eshqandaı ruqsat qujattarynsyz 80 kg-ǵa jýyq qytaı dári-dármegin elimizge ótkizbek bolypty.
Sol ortalyqtyń Qazaqstan aýmaǵyna qaraı kiretin zalynan shekara narıady saǵat 19-darda qytaı dári-dármegi toltyrylǵan, jalpy salmaǵy 45 kg-ǵa jýyq, taǵy da eki qorap taýyp aldy. Bul qoraptardyń ıesi tabylǵan joq.
Tárkilengen dári-dármek aktimen «Altynkól» keden beketine tapsyryldy.
