Resmı rásimnen keıin Qazaqstan-Eýropa qarym-qatynastarynyń qazirgi ahýaly men bolashaǵy týraly pikir almasyldy.
D. Týsk «Qazaqstannyń jáne Prezıdent Nursultan Nazarbaevtyń jaqsy dosy» ekenin atap ótti. «Biz Qazaqstan Prezıdentiniń halyqaralyq isterdegi rólin, sonyń ishinde Sırııa boıynsha Astana prosesiniń aıasynda bitimgershilik kúsh-jigerin joǵary baǵalaımyz», - dedi ol.
Taraptar Memleket basshysynyń Brıýsselde «Eýropa-Azııa» 12-shi forýmy aıasynda aıtqan bastamasyn talqylady. Bul bastama halyqaralyq qaýipsizdiktiń ózekti máselelerin talqylaý úshin Astanada BUU-nyń arnaıy sessııasyn nemese AQSh, Reseı, Qytaı jáne Eýropalyq Odaq kóshbasshylarynyń qatysýymen kezdesýdi ótkizýdi qarastyrady.
Eýropalyq Keńestiń Prezıdenti: «EO - Qazaqstannyń eń iri saýda áriptesi bolyp tabylady. Qazaqstan óziniń geografııalyq jaǵdaıy arqasynda ǵana emes, sondaı-aq Prezıdentterińizdiń zor qýaty nátıjesinde, aımaqta strategııalyq ról atqarady. Sondyqtan biz yntymaqtastyqty damytýymyz kerek», dep aıtty.
A. Quspan elimiz Qazaqstan men Eýropalyq Odaq arasyndaǵy Keńeıtilgen seriktestik jáne yntymaqtastyq týraly kelisimine úlken úmit artyp otyrǵanyn atap ótti. Atalǵan kelisim eń aldymen joǵary tehnologııalyq óndirister arqyly saýdany jáne ınvestısııa kólemin aıtarlyqtaı arttyrýǵa, ekonomıkalyq ósimin kúsheıtý úshin jańa jumys oryndar ashýǵa jańa múmkindikter týǵyzatynyn málimdedi.
Eýropalyq Keńestiń Prezıdenti Prezıdent N.Nazarbaevqa óziniń eń jaqsy tilekterin jetkizdi jáne Qazaqstanǵa saparmen barýǵa nıet bildirdi.
EO bizdiń elimizdiń eń iri saýda áriptesi bolyp tabylady. 2017 jyly EO elderimen saýda aınalymy 30 mlrd. AQSh dollaryn qurady, EO-ń Qazaqstannyń jalpy taýar aınalymyndaǵy úlesi 49,8% qurady. О́tken jyldyń qańtar-qyrkúıek aılarynda saýda aınalymy 28,56 mlrd. dollaryn qurady.
2017 jyly Eýropalyq Odaqtyń Qazaqstan ekonomıkasyna tartylǵan tikeleı sheteldik ınvestısııalary 9,8 mlrd. dollarǵa jetti, bul elge tartylǵan ınvestısııalardyń jartysy bolyp tabylady.
