Aleksandr Moskalenko «Bolat» (Temirtaý), «Vostok» (О́skemen), «Jeńis» (Astana), «Alma-Ata» (Almaty) jáne «Qaısar» (Qyzylorda) klýbtarynda oınady. Bapkerlik mansabyn 2011 jyly «Bolat AMT» komandasynda bastady. Temirtaýlyq ujymda tórt jyl eńbek atqarǵannan keıin «Qaısardyń» bas komandasynyń jattyqtyrýshylar shtabyna endi. 2018 jyly «Ekibastuzdy» jattyqtyrdy. Sol jyldyń naýryzynda elordalyq «Astana» komandasynyń jattyqtyrýshylar shtabyn tolyqtyrdy.
Onyń kómekshisi bolyp sońǵy jyldary Qazaqstan Ulttyq quramasynyń jattyqtyrýshylar shtabynda qyzmet atqarǵan Qaırat Nurdáýletov taǵaıyndaldy.
Qaırat Nurdáýletov ulttyq quramanyń kapıtany boldy. Onyń qatarynda 35 match ótkizip, 5 gol soqty. Sonymen qatar, Almaty fýtbolynyń túlegi SSKA-Qaırat (Almaty), «Esil-Bogatyr» (Petropavl), «Qaırat» (Almaty), «Ertis» (Pavlodar), «Tobyl» (Qostanaı), «Astana» jáne «Qaısar» (Qyzylorda) fýtbol klýbtarynda oınady.
Álı BITО́RE,
«Egemen Qazaqstan»
