Marketıng mektebi birneshe baǵyt boıynsha jumys isteıdi. Munda bıznes-trenerler men jeke kompanııalardyń basshylary kásipkerlerge marketıng pen menedjmentti úıretedi. Kezdesý barysynda oblystyq kásipkerler palatasy men qazaqstandyq marketologtar qaýymdastyǵy arasynda ekijaqty yntymaqtastyq memorandýmyna qol qoıyldy.
– Keıbir kásipkerler marketıngtiń mańyzdylyǵyn túsine bermeıdi. Sol sebepti kásibı túrde oqytý ıdeıasy paıda boldy. Kópshilik marketıngti tek jarnama, ǵalamtordaǵy belsendilik retinde qabyldaıdy. Shyn máninde, marketıng degenimiz – bıznesti josparlaý, taldaý. Qazir Qazaqstanda kásibı marketologtar saýsaqpen sanarlyq,–deıdi qazaqstandyq jarnama, PR jáne marketıng qaýymdastyǵynyń prezıdenti Tımýr Sábıtov.
Oblystyq kásipkerler palatasy kásiporyn basshylaryna bıznes-jobalardy júzege asyrýǵa kómektesip keledi. Basty mindet – kásipkerlerdi kásipkerlikke mashyqtandyryp, óz ónimin satýǵa kómektesý. Kásipker úshin bilim men tájirıbeni ushtastyryp otyrý mańyzdy.
Respýblıka boıynsha 2013 jyly alǵashqy irgetasy qalanǵan atalmysh mektepte kúni búginge deıin 300-den astam kásipker bilim alǵan.
Baıqal BAIÁDIL,
«Egemen Qazaqstan»
Aqmola oblysy
