«Birinshi baǵyt – bank sektoryn saýyqtyrý. Byltyr «Halyq bank» pen «Kazkomnyń» birigýi bank sektoryndaǵy basty oqıǵa boldy. «Halyq bank» qazir eldegi bank sektorynyń 34% quraıdy. Bul - jaqsy qubylys, sebebi Ulybrıtanııa, Italııa, Shveısarııa, Fransııa, Reseı syndy álemniń kóptegen elinde naryqtyń 30% -yn alatyn bankter bar. Sheteldiktermen ishki naryqta da, syrtqy naryqta da básekege qabiletti bola alatyn Qazaqstanǵa iri qarjy ınstıtýt qajet», - dedi Danııar Aqyshev.
Sondaı-aq Ulttyq bank tóraǵasy naryqtan álsiz bankterdi shyǵarý jumystary jalǵasatynyn aıtty.
«Byltyr úsh banktiń lısenzııasy alyndy. Ol bankterdi jabýdyń prosesteri aıaqtalyp qaldy, azamattarǵa depozıttegi qarjylaryn tóleý bastaldy. Aktıvter jumysy turaqty kompanııalarǵa berilýi tıis», - dedi ol.
Marjan TILEÝBEK,
«Egemen Qazaqstan»
