Osydan eki jyl buryn iske qosylǵan jańa plıta qoıylǵan. Tamaqtar jyly kúıde uzaq saqtalady. Semeı qalalyq bilim bóliminiń basshysy Natalııa Fesenkonyń aıtýynsha, aldaǵy ýaqytta ár mekteptiń ashanasyn jalǵa alatyndar belgili bir jylǵa merzimde sapa boıynsha jumys isteýi qajet. Sosyn 5-7 jylǵa deıin sozylýy múmkin. Al №49 mekteptegi jańa jabdyq bıýdjet qarajatyna alynǵan. Jalger «Taıpov» JK óz qarajatyna bakterııa óltiretin sham, kókenis, kartop týraǵysh, sý saqtaıtyn dıspenser alypty. Semeı qalalyq bilim basqarmasynyń basshysy Natalııa Fesenkonyń aıtýynsha:
- As máziri ishinde nany, birinshi jáne ekinshi tamaǵy, salaty, kompoty qarastyrylǵan balalar úshin tegin tamaq 303 teńgeni quraýda. Memleket tarapynan tegin tamaqtaný úshin jaǵdaıy tómen otbasynan shyqqan 112 balaǵa jaǵdaı jasalyp otyr. Olarǵa mindetti túrde, sút, bal, jemister beriledi. Ol basqa da ata-analar óz qaltalarynan 220-250 teńgege balalaryna ystyq tamaq ápere alady. Bir samsa pen shyryn 100-150 teńge kóleminde. Jalger aspazshy as mázirin jasap, ony mektep basshylyǵy bekitedi. Barlyq sanıtarlyq talaptarǵa saı.
«Nur Otan» partııasynyń hatshysy Qanybek Jumashev ashanadaǵy sorpanyń dámin tatyp kórip, bylaı dedi:
- Balalar bizdiń bolashaǵymyz. Olardyń densaýlyǵyn oılap, mektepte ystyq tamaqpen qamtý, sol arqyly jetkinshekterdiń alańsyz bilim alyp, jaqsy ósip-jetilýine jaǵdaı jasaý – memlekettik mańyzy bar másele. Buǵan «Nur Otan» partııasy da, memleket te, qoǵam da, ata-ana da óz deńgeıinde kóńil bólýi tıis. Oqýshylarǵa beriletin as máziri, daıyndalýy kóńilimnen shyqty. Barlyq jaǵdaı jasalǵandyǵy kórinip tur. Eń bastysy balalardyń densaýlyǵy. «As adamnyń arqaýy» demekshi, 1-11 synyp oqýshylaryn durys tamaqtandyrýymyz asa qajet.
№10 mektepte borsh sorpasy, kúrish taǵamdary 130-150 teńge kóleminde eken. Barlyǵy da talapqa saı bolyp shyqty. «Nur Otan» partııasynyń hatshysy Qanybek Jumashev tamaqtyń dámin tatyp kórgen soń, áleýmettik jaǵdaıy tómen otbasydan qansha bala keledi dep surady. Bul 116 bala turmysy tómen januıalardan bolsa, qosymsha on balany aspaz Qarlyǵash Begenbaeva óz demeýshiligimen tamaqtandyrady eken. Qanybek Jumashev taǵamdarda tuzdyń azdylyǵyn tilge tıek etken kezde, oǵan balalar úshin qatty tuzdalǵan taǵamdar daıyndalmaıtyndyǵyn túsindirdi. Qalalyq bilim bóliminiń bastyǵy Natalııa Fesenkonyń aıtýynsha, ata-analar, medbıke, ustazdar birigip, arnaıy monıtorıng top qurǵan. Bul monıtorıng top kez kelgen ýaqytta kirip, balalarǵa talapqa saı taǵam berilip jata ma sony teksere alady.
Raýshan QABJANQYZY,
«Egemen QAZAQSTAN»
Semeı
