- Bizdiń aýdanda «Iri qara mal etiniń eksporttyq áleýetin damytý» jobasyn iske asyrý jónindegi is-sharalardyń keshendi josparyna sáıkes, mal bordaqylaý alańdaryn qurý boıynsha birqatar jumystar atqarylýda. Qazir birneshe sharýa qojalyǵy 600 basqa laıyqtalǵan mal jemdeý alańdaryn keńeıtý arqyly, bordaqylaýdaǵy mal sanyn 1000 basqa deıin kóbeıtýdi josparlap otyr, - deıdi Panfılov aýdany ákiminiń baspasóz hatshysy Nurbol Qanaǵat.
Byltyr osy baǵyttaǵy jumystardy jandandyrý úshin aýdan sharýalary «QazAgroqarjy» kompanııasynyń qoldaýymen et pe sútti mol beretin asyl tuqymdy iri qara satyp alǵan Bir ǵana «Sybaǵa» baǵdarlamasynyń arqasynda 96 mln teńgege Reseıdiń Astrahan oblysynan 217 bas «Qalmaq» tuqymdy sıyr ákelingen. Jalpy «QazAgroqarjy» kompanııasyny Panfılov aýdany boıynsha aýyl sharýashylyǵyn qoldaýǵa 258,5 mln teńgege nesıe beripti.
Al óńirdegi Kóktal Agro» jaýapkershiligi shekteýli seriktestiginiń et pen sút óndirise jolǵa qoıýǵa qatysty úlken jospary bar. Buıyrsa, sharýshlyqtyń jeke taýarly sút fermasy bolady. Seriktestik 2000 bas «Sımmental» asyl tuqymdy iri qara malyn satyp alýǵa 2,6 mlrd teńge jumsamaqshy.Onyń 1000 basy bıyl, qalǵan 1000 basy 2020 jyly keledi.
Qalmahanbet MUQAMETQALI,
«Egemen Qazaqstan»
Almaty oblysy
