Aǵymdaǵy jyldyń 30 qańtarynda Qazaqstan Respýblıkasy Ishki ister mınıstrligi Tótenshe jaǵdaılar komıtetiniń 2018 jylǵy 22 qańtardaǵy №14 jáne Qazaqstan Respýblıkasy Energetıka mınıstrliginiń 2018 jylǵy 22 qańtardaǵy №69-О́ birlesken buıryǵyna sáıkes sý tasqynyn boljaýdy jaqsartý jáne boljamdyq derekterdi daıyndaý maqsatynda "Qazgıdromet" RQK fılıaly ókilderi TJ departamenti qyzmetkerlerimen birlesip Tasqala jáne Báıterek aýdandarynda Derkól ózenindegi qar jamylǵysynyń bıiktigi men qardaǵy sýdyń qoryn anyqtaý boıynsha birlesken shyǵýlardy júzege asyrdy.
Báıterek aýdany Peremetnoe aýylynda qardyń qalyńdyǵy 45 sm (norma 20 sm), qardaǵy sýdyń qory 99 mm (norma 68 mm), ortasha tyǵyzdyq 0,23 g/sm3. Tasqala aýdany Bastaý aýylynda qardyń qalyńdyǵy 50 sm (norma 20 sm), qardaǵy sýdyń qory 115 mm (norma 68 mm), ortasha tyǵyzdyq 0,23 g/sm3.
Jumys tobynyń shyǵýy Departamenttiń Jedel-qutqarý jasaǵynyń joǵary ótkizgish tehnıkasymen júzege asyrylady. Sonymen qatar, jumys tobynyń quramyna jergilikti buqaralyq aqparat quraldarynyń ókilderi qatysty.
Oblys aýmaǵynda sý tasqynynyń qaýpi bar aýdandyq keshenderdiń ýchaskelerin tekserý jumystary jalǵasýda.
