Al bıyl Memleket basshysynyń «Uly dalanyń jeti qyry» maqalasy aıasynda «Ahmet Iаsaýı» telehıkaıasyn, «Ál-Farabı» kórkem fılmin jáne «Qambar batyr», «Saýran qalashyǵy» anımasııalyq fılmderin túsirý josparlanǵan. Bul derekterdi basqarma basshysynyń mindetin atqarýshy Asylhan Temirhan oblys ákimi Janseıit Túımebaevqa ótken jylǵy atqarǵan jumystary jóninde esep berý kezinde málim etti. «Oblys ortalyǵy Túrkistan qalasyna kóshirilýine baılanysty 12 oblystyq mádenıet jáne óner mekemesi Shymkent qalasyna berildi. Al, oblystaǵy mádenı oshaqtardyń materıaldyq-tehnıkalyq bazasyn nyǵaıtý úshin 117 mln. 741 myń teńge qarjy qaraldy. Oǵan avtokólik, sahnalyq kıimder basqa da qural-jabdyqtar satyp alyndy», – dedi basqarma basshysy. Sondaı-aq ótken jyly aımaqta otandyq jáne álemdik mádenıet týyndylaryna qoljetimdiligin qamtamasyz etý maqsatynda 29 967 is-shara uıymdastyrylǵan. Búginde Túrkistan oblysynda 678 mádenıet jáne óner mekemesi halyqqa mádenı qyzmet kórsetýde.
Oblys ákimi basqarma basshysyna Q.A.Iаsaýı kesenesindegi tulǵalardyń tizimi, ómirbaıany men tarıhı derekteri jáne Túrkistan qalasy týraly aqparat jınaqtap, kitap shyǵarýdy tapsyrdy.
Ǵalymjan ELShIBAI,
«Egemen Qazaqstan»
Túrkistan oblysy
