О́tken túnde, saǵat 22.30-dar shamasynda «Obaǵan» shekara zastavasynda «Radıotosqaýyl» kesheni dabyl berdi. Bul el aýmaǵyna «shaqyrylmaǵan qonaq» kelgendigin bildiredi. Dabyl toby shuǵyl túrde shekara syzyǵyna qaraı attanyp, Reseıden bizdiń elimizge qaraı kirgen bir jaıaý adamnyń izin tapty. Túnde kóretin, jylý sezetin, t.b. arnaıy quraldar kómegimen, saǵat 23.15-te 1989 jyly týǵan Reseı azamaty ustaldy.
Aıta keterligi, eki kún buryn bul azamat Qazaqstan aýmaǵyna kirýge tıym salynǵandar tiziminde bolǵandyqtan «Aqbalshyq-avto» ótkizý bólimshesinen elimizge kirgizilmeı, keri qaıtarylǵan bolatyn.
Quqyq qorǵaý organdary jáne Reseı Federaldyq Qaýipsizdik qyzmetiniń Qorǵan, Tıýmen shekara aýmaqtary boıynsha jedel kezekshisi habarlandy.
