Frıstaılshylar 16 júlde jıyntyǵy úshin talasady. Osy oraıda Qazaqstannyń basty úmiti Iýlııa Galysheva ekenin aıta ketýge tıispiz. 2018 jyly Phenchhan qalasynda alaýy tutanǵan Olımpııa oıyndary, 2015 jáne 2017 jyldardaǵy álem chempıonattarynda júldegerler qatarynan kóringen jerlesimiz bul joly da jasyndaı jarqyrap, jeńis tuǵyryna kóteriledi dep úmittenemiz. Sondaı-aq, Galysheva Azııa oıyndarynda úsh ret jáne Dúnıejúzilik Ýnıversıadada eki ret altynnan alqa taǵyndy.
Tórt birdeı Olımpıadada baq synap, alty ret álem chempıonatyna qatysqan Dmıtrıı Reıherdke de úlken senim artamyz. Azııa oıyndary men Dúnıejúzilik Ýnıversıadanyń jeńimpazy degen ataǵy bar otandasymyz osy joly baryn salýǵa tıis. Sonymen qatar, Pavel Kolmakov, Aıaýlym Ámirenova, Sergeı Romanov jáne Aleksandr Gebert syndy sportshylar da Solt-Leık-Sıtıge sapar shekti.
Frıstaıldyń shańǵy akrobatıkasy túri boıynsha Janbota Aldabergenova, Jibek Arapbaev, Baǵlan Inkárbek, Aqmarjan Qalmurzaeva syndy qazaqtyń ul-qyzdary óner kórsetedi. Olardyń barlyǵy da talaı iri dodalarda ysylyp, úlken tájirıbe mektebinen ótken. Joǵarydan esimderi atalǵan sportshylardan bólek, álem chempıonatynda Eldar Badrýdınov ta baq synaıdy.
Al snoýbord saıysynda Qazaqstanda óz deńgeıinde damymaı jatyr. Sol sebepti de álem chempıonatyna attanǵan sportshylarymyz fınaldyq saıysqa joldama alsa da, sonyń ózi úlken jetistik bolar edi. Jalpy sporttyń bul túrinde 14 júlde jıyntyǵy sarapqa salynady.
Ǵalym SÚLEIMEN,
«Egemen Qazaqstan»
