Onyń ishinde glıýtendi AQSh-qa eksporttaýdy josparlap otyr.
2006 jyly paıdalanýǵa berilgen «Bıohım» kásiporny shıkizattyń jetispeýshiliginen óz jumysyn osydan 8 jyl buryn toqtatyp, bankrottyqqa ushyraǵan bolatyn. Onyń «qaldyq muralaryn» ıelengen «BioOperations» kásiporny byltyr boı kóterip, alǵashqy seh iske qosyldy. Qazir munda shetel suranysyna ıe krahmal men glıýten óndiriledi. Jyldyq mólsheri-82 myń tonna. Endi glıýtendi Reseıdiń Novorossıısk porty arqyly AQSh-qa eksporttaýdyń kelisimsharttary jasalyp, tıimdi múmkindikter qarastyrylǵan.
«Bir tonna bıdaıdy tereńdetip óńdegende 343 kılo krahmal, 85 kılo kleıkovına jáne 354 tonna jemazyq alynady. Shıkizatqa qaraǵanda baǵasy eki ese joǵary. Demek, utarymyz kóp bolmaq», degen aımaq basshysy Qumar Aqsaqalov keshende 300 adamnyń jumysqa tartylǵanyn jetkizdi. Ozyq tehnologııalarmen jaraqtandyrý úrdisin báseńdetpeýdi, elektr qýatymen, sýmen úzilissiz qamtamasyz etýdi tıisti oryndarǵa tapsyrdy.
Endigi kezek-negizgi ónim sanalatyn bıoetanol óndirý. Jylyna 36 myń tonnaǵa deıin shyǵarý belgilengen.
О́mir ESQALI,
«Egemen Qazaqstan»
Soltústik Qazaqstan oblysy
