Kezdesý barysynda Baqyt Sultanov elorda ákimdigi men QR Ulttyq paralımpııalyq komıtetiniń birlesken kúshimen Astanada múgedektigi bar jandardyń sportpen shuǵyldanýyna múmkindik beretin zamanaýı Paralımpııalyq jattyǵý ortalyǵynyń ashylǵandyǵyn atap ótti.
«Qazirgi tańda Astanada múmkindigi shekteýli jandardy qoldaýǵa baǵyttalǵan baǵdarlama iske asyrylyp jatyr. Sonymen qatar, paralımpııalyq sport – ómirdiń qıyndyqtaryna qaramastan adamnyń el damýyna óziniń súbeli úlesin qosa alatyndyǵyn dáleldeýdiń eń jarqyn tásili. Múmkindigi shekteýli jandar qatysatyn halyqaralyq jarystarda Qazaqstannyń týy bıikke kóterilgende boıdy bıleıtin maqtanyshtan artyq sezim joq shyǵar», – dedi Baqyt Sultanov.
Endrıý Parsons myrza Astanada zamanaýı kópbeıindi sport keshenderiniń jumys isteıtindigin tilge tıek etti. Budan bólek, ol memlekettik mekemelerdiń Qazaqstanda paralımpııalyq sport túrleriniń damýyna qoldaý kórsetýin joǵary baǵalady.
«Men Astanadaǵy túrli sporttyq ortalyqtardyń jumysyna, Paralımpııalyq jattyǵý ortalyǵynyń jumysyna tánti boldym. Biz bolǵan sport keshenderinde múmkindigi shekteýli jandardyń sportpen shuǵyldanýy úshin barlyq jaǵdaı jasalǵan. Sondaı-aq, biz arnaıy bilim berý baǵdarlamasy iske asyrylyp jatqan № 83 mektepke de baryp qaıttyq. Onyń maqsaty – múmkindigi shekteýli azamattarǵa degen qarym-qatynasty ózgertý»,– dedi Halyqaralyq paralımpııalyq komıtettiń prezıdenti.
Kezdesý qorytyndysy boıynsha taraptar aldaǵy jazda Astanada parapaýerlıftıngten ótetin Álem Chempıonatyn ótkizý máselelerin talqylady. Sondaı-aq, aldaǵy yntymaqtastyq máseleleri qarastyryldy.
