Jaqynda ǵana 14 jasqa tolǵan shymkenttik Sarvınoz Mirqadyrova ulttyq qurama úzdikteri Gúlchehra Hýseınova men Aııa Álimbaevany jeńip, Záýresh Aqashevadan utyldy. Bıylǵy maýsymdy Sarvınoz joǵary nátıjemen bastap otyr. Qańtarda ótken ulttyq quramaǵa irikteý synynda kúmis júldeger atanǵan ol endi qolany enshiledi.
Ekinshi qola medaldi Batys Qazaqstan oblysynyń túlegi Gúlchehra Hýısenova ıelendi. Altyn júlde taǵdyry Anastasııa Lavrova (Astana) men Záýresh Aqasheva (Qaraǵandy oblysy) arasyndaǵy matchta sheshilmek.
Erler arasynda chempıondyq ataqty astanalyq Kırıll Gerasımenko men ShQO ókili Denıs Joldýev sarapqa salady.
Úshinshi orynda Tımýr Kelbuǵanov (Almaty) pen Bekulan Jamal (Shymkent).
