Bul - Batys Qazaqstan oblysynda jastar jylynyń ashylýyna oraı uıymdastyrylǵan jastar alańy. Shara barysynda «Jetistikke bastaıtyn 7 qadam» oblys jastarynyń baǵdarlamalyq qujaty qabyldandy. Jastar alańy otyrysyna Batys Qazaqstan oblys ákimi A.S.Kólginov qatysyp, sóz sóıledi. Oblys basshysy Jastar jyly Aq Jaıyq óńirinde atqarylatyn jumys josparymen egjeı-tegjeıli tanystyryp ótti.
Bul sharaǵa Qazaqstan Respýblıkasy Qoǵamdyq damý mınıstrligi Jastar jáne otbasy komıteti tóraǵasynyń mindetin atqarýshy Ashat Oralov, «Bolashaq» halyqaralyq stıpendıattary qaýymdastyǵynyń atqarýshy dırektory Sharýa Demesinova, «Qazaqstan jastarynyń kongresi» ZTB atqarýshy dırektory Toqtar Bolysov, jergilikti jastar jetekshileri arnaıy qatysty. Sondaı-aq sharaǵa oblystyń ár túrli sanattaǵy jastary, jas ustazdar, kásipkerler, jas dárigerler men óndiris qyzmetkerleri, BAQ jáne jastar uıymdarynyń ókilderi belsene aralasyp, óz oılaryn ortaǵa saldy.
Shara barysynda «Jastarǵa arnalǵan 101 ıdeıa» kraýdsorsıng platformasynda usynylǵan «Jaqsylyq jasa» atty jastar marafony bastaý aldy.
Qazbek QUTTYMURATULY,
"Egemen Qazaqstan"
Batys Qazaqstan
