Bir halyqpyz, bir baýyrmyz
Beısenbi, 18 qazan 2012 7:47
Osy jyldyń 25 sáýirinde «Egemen Qazaqstan» gazeti meniń bir bettik maqalamdy jarııalady. Men sol tolǵanysymdy «Yrystyń ordasyn yntymaǵymyz qoldasyn» dep ataǵan edim. Mundaǵy «Yrystyń ordasy» dep otyrǵanym, álbette, qasıetti qazaq jeri, keń baıtaq Qazaqstanymyz.
Beısenbi, 18 qazan 2012 7:47
Osy jyldyń 25 sáýirinde «Egemen Qazaqstan» gazeti meniń bir bettik maqalamdy jarııalady. Men sol tolǵanysymdy «Yrystyń ordasyn yntymaǵymyz qoldasyn» dep ataǵan edim. Mundaǵy «Yrystyń ordasy» dep otyrǵanym, álbette, qasıetti qazaq jeri, keń baıtaq Qazaqstanymyz.
Ol búginde yrystyń ǵana emes, baqyt pen shattyqtyń, tatýlyq pen dostyqtyń da berekeli hám merekeli ordasyna aınalyp otyrǵandyǵy ámbege aıan. Shyn máninde de táýelsizdik jyldarynda Prezıdent Nursultan Nazarbaevtyń salıqaly saıasaty arqasynda ortaq úıimizdi – bizdiń Qazaqstanymyzdy osy aradan óz jeruıyǵyn tapqan, tańdaıyna taǵdyr talqanynyń tátti dámin tatyrǵan Yntymaqtyń qoldap otyrǵany da anyq.
1937 jyly Armenııadan osynda jer aýdarylǵan armıan otbasylarynyń, olardyń keleshek ómirge kelgen urpaqtarynyń mańdaıynyń baǵy bar eken. Sebebi, bizder qıyn shaqta meıirimdi de baýyrmal qazaq halqynyń ortasyna tústik. Olar bizdi jaýrasaq – jylytty, qarnymyzdy ashyrmady, barymen bólisti, meıirim shýaǵyn aıamady. Sóıtip, ejelgi qazaq jeri bizdiń de óz úıimizge, baýyr basqan Otanymyzǵa aınaldy. О́z basym kóptegen ataq-abyroıǵa, tabysqa jetkenimdi jasyrmaımyn. Elbasynyń ózi meni dosym dep sanaıdy. Sonyń barlyǵy qazaq halqynyń arqasy, qazaq jeriniń shapaǵaty dep aıtar edim. Olaı bolsa, men qazir de, bolashaqta da eń aldymen Qazaqstanǵa qyzmet etemin.
Bizdiń áýlet qazaqtyń eli men jerine tamyr tartyp, qosylyp ketti. Men sııaqty qazy-qartany kertip jep, qymyzdy sapyryp iship, jany qazaq bolyp ketken armıandar kóptep sanalady. О́zim qazaq jerinde týǵandyqtan da Qazaqstandy barlyq jan-tánimmen shynaıy túrde týǵan Otanym dep esepteımin. Balalaryma da osyny ósıet etýdemin. О́ıtkeni, qazaq halqy – naǵyz sabyrly, salıqaly, ańqyldaǵan adal halyq. Qazaqtardyń salt-dástúrin, ádet-ǵurpyn, Naýryz sııaqty yrys-bereke men tazalyqty tý etken jaısan merekelerin qurmetteımin. О́tkendegi 30 kún orazasy, Oraza aıty kezinde de qazaq baýyrlarymyzben tilektes ári nıettes boldyq.
Islam Qazaqstan halqynyń basym bóligi ustanǵan haq din bolǵandyqtan, elimizdegi barsha musylman qaýymyn alda kele jatqan Qurban aıt meıramymen quttyqtaǵym keledi. Biz – bir halyqpyz, bir baýyrmyz. Taǵdyrymyz ortaq. Qaı-qaısymyzdyń da dilimiz de, dinimiz de izgilikke negizdelgen, jarqyn bolashaqty kókseıdi. Sol bolashaqqa bir halyq, bir baýyr bolyp qadam basa berýden jazbaıyq.
Artýsh KARAPETIаN,
Qazaqstan halqy Assambleıasy Tóraǵasynyń orynbasary,
«Naırı» armıan mádenı birlestikteri assosıasııasynyń tóraǵasy,
«Vınıak» JShS dırektory.
ALMATY.
