Qazaqtyń ulaǵatyn kóp kórdim

Beısenbi, 18 qazan 2012 7:45

Men ózim Keńes armııasyndaǵy áskerı mindetimdi ótep oralǵan soń osy Aqtóbege keldim. Mártók aýdanynda úlken aǵam Eıvaz prorab bolyp jumys isteıtin, sony saǵalap keldim shyndyǵy. Sóıtip, osynda qaldym, halyq sha­rýashylyǵy ınstıtýtynda bolashaq zaıybym, qazaq qyzy Svetamen birge oqyp júrip, kóńil jarastyrdyq. Qazir nemere-jıen súıip otyr­ǵan baqytty ata-ájemiz.

Beısenbi, 18 qazan 2012 7:45

Men ózim Keńes armııasyndaǵy áskerı mindetimdi ótep oralǵan soń osy Aqtóbege keldim. Mártók aýdanynda úlken aǵam Eıvaz prorab bolyp jumys isteıtin, sony saǵalap keldim shyndyǵy. Sóıtip, osynda qaldym, halyq sha­rýashylyǵy ınstıtýtynda bolashaq zaıybym, qazaq qyzy Svetamen birge oqyp júrip, kóńil jarastyrdyq. Qazir nemere-jıen súıip otyr­ǵan baqytty ata-ájemiz.

Ekeýmiz de qoǵamdyq tamaqtandyrý júıe­sinde jumys istedik, basshy qyzmetterde bol­dyq. Keıin barlyǵy jekeshelenip ketti ǵoı. Zeınetke jetkenshe ózimizshe talpynyp, tirlik ja­sa­dyq. Keıin fılıal keńesiniń tóraǵalyǵy ma­ǵan usynyldy, bul da bir ımandy is qoı, saýaby tıer dep bas tart­padym. Qazir osy sharýanyń basy-qasynda júr­min, jastardy ana tiline, diline, salt-dástúrine, má­denıeti men ádebıetine tár­bıe­lesek dep tal­pynyp ja­tyr­myz.

Statıstıkalyq derekter boıynsha, oblysta  1 myńnan astam ázerbaıjan turady. Árıne, bu­ǵan keshegi keńestik júıeniń shirigen jipteı ydy­raýy da sebep boldy. Soǵystan keıingi halyq sharýashylyǵyn qalpyna keltirý, tyń ıgerý jyldarynda jáne oqý bitirip joldamamen kelgen ázerbaıjandardyń kóbi táýelsizdik al­ǵan­nan keıin tarıhı otandaryna qonys aýdardy. S­o­lardyń ózderi de qonaqjaı qazaq halqyn qımaı-qımaı qoshtasqanyn ázerbaıjan baýyr­lar esten shyǵarmaıdy. Qazir oblysta turyp jatqan ázer­baıjandardyń jas urpaǵy táýelsiz Qazaq­stan­nyń ekonomıkalyq damýy, saıası tu­raq­tylyǵy jolynda eńbek etip, oqyp óz úles­terin qosýda.

Birlestikte ózara yntymaqtastyq pen birlikti qalyptastyrý baǵytynda, ázerbaıjan má­de­nıetin, salt-dástúrin, tilin saqtaýǵa baıla­nys­ty birqatar sharýalar atqarylýda. Orta­lyq ja­nyn­da bı toby jumys isteıdi. Kór­kem­óner­pazdar ob­lys­ta ótkiziletin barlyq mádenı shara­larǵa atsa­ly­sady. Ázerbaıjan, qazaq, orys já­ne basqa tilderde tamyljyta án salyp, bı bıleıtin jastar qatary jyl saıyn molaıyp keledi. Qy­ryq­tan astam balalar men jastar kór­kemónerpazdar úıir­meleriniń belsendi músheleri bolyp taby­lady.

Munda 2008 jyldan bastap jeksenbilik mektep jumys isteıdi. Jeksenbilik mekteptegi úsh topqa 42 adam barady. Olarǵa qazaq tilinen G.Bekenbaeva, ázerbaıjan tilinen N.Ázızova sabaq beredi. Qazir oblystyq Qazaqstan halqy Assam­bleıasy hatshylyǵynyń jáne oblystyq tilderdi damytý basqarmasynyń kómegimen jas­tar ana tilin jáne memlekettik tildi, son­daı-aq, Ázer­baıjannyń tarıhy men geo­gra­fııasyn oqyp, úırenýde.

Biz osyndaı beıbit jáne tatý elde turyp jatqanymyzdy maqtanysh tutamyz. О́ńirdi mekendeıtin ulttar men ulystardyń barlyǵyna da tilin, salt-dástúrin damytýǵa, mádenıeti men dinin ustanýǵa jaǵdaı jasalyp otyr. Mu­nyń bári Elbasynyń kóregendi saıasatynyń ar­qasy ekenin túsinemiz. Biz táýelsizdik alǵannan keıingi jyl­dardaǵy elimizdiń tabysyna maq­tana otyryp, ortaq maqsatqa bir kisideı ju­myla beretin bo­lamyz. Ortaq Otanymyzdaǵy tynyshtyq pen turaqtylyq bizdiń árqaı­sy­myzdan osyny talap etedi.

Biz osy jyldarda bir-birimizdiń máde­nıe­ti­miz­di, salt-dástúrimizdi, dinimiz ben dilimizdi qur­metteýdiń qanshalyqty qasıetti ekenin uǵyndyq. Túrki tektes týysqan halyq retinde ortaq ádep-ǵurpymyz, mádenıetimiz, ulttyq us­tanym­da­ry­myz da jeterlik. Al ózimdi azamat retinde ósirip, urpaǵyma jyly uıa bolǵan elge meniń alǵys-nıetim sheksiz. Biz týysqan eki halyqtyń ádep-ǵurpyn, salt-dástúrin teń us­tanamyz. Kezinde atam men enemniń qolyna sý quıyp, qurmet kórsettim. Juma saıyn jeti nanymyzdy pisirip, arýaqtarǵa quran baǵysh­tap otyramyz. Barsha qazaq­standyqtardy or­taq úıi­miz – Qazaqstandaǵy tatýlyq pen birlikti ny­ǵaıtýǵa atsalysýǵa shaqyramyn, alda kele jatqan Qurban aıt merekesimen shyn júrekten quttyqtaımyn. Izgi tilek, ımandy nıetimiz elimizdiń órkendeýine baǵyt­talsyn, dáıim.

 Shahbaz JAMALOV,

«Ázerbaıjandar assosıasııasy» respýblıkalyq qoǵamdyq

birlestigi Aqtóbe qalalyq fılıaly keńesiniń tóraǵasy.

Aqtóbe oblysy.