Ortaq qazyna
Juma, 5 qazan 2012 7:19
Qaı kezeńde, qaı qoǵamda bolsyn damýdyń qozǵaýshy kúshi – jastar ekeni belgili. Biz, jastar, bir tilde sóılep, bir maqsatqa jumylatyn bolsaq, bizdiń kúshimiz ben qýatymyz da arta túsedi, yntymaǵymyz ben birligimiz de nyǵaıady. Sondyqtan «biz – tilegi men tili bir qazaqstandyqpyz» degen ortaq ıdeıany ustanýymyz qajet.
Juma, 5 qazan 2012 7:19
Qaı kezeńde, qaı qoǵamda bolsyn damýdyń qozǵaýshy kúshi – jastar ekeni belgili. Biz, jastar, bir tilde sóılep, bir maqsatqa jumylatyn bolsaq, bizdiń kúshimiz ben qýatymyz da arta túsedi, yntymaǵymyz ben birligimiz de nyǵaıady. Sondyqtan «biz – tilegi men tili bir qazaqstandyqpyz» degen ortaq ıdeıany ustanýymyz qajet.
Qazaqstan halqy Assambleıasynyń sessııasynda sóılegen sózinde Elbasy: «Budan keıingi kezeńde Qazaqstandaǵy qazaq tiliniń róli kúsheıe bermek. Árıne, orys, aǵylshyn jáne ózge tilderdi damytý máselesin de qoldaıtyn bolamyz. Memlekettik tildi, eń aldymen, bizdiń balalarymyz bilýleri qajet» dep, – atap ótken bolatyn.
Qazirgi kezde ekonomıkasy qaryshtap alǵa basqan elder damýdyń joǵary satysyna kóterilýde. Danyshpan Abaı: «Adam balasy adam balasynan aqyl, ǵylym, ar, minez degen nárselermen ozady», – degen eken. Kókjıegimizdi keńeıtip, ózgemen terezemiz teń bolýy úshin, álemdik básekede úlken bedelge ıe bolý úshin de ǵylym-bilimmen qarýlanýymyz kerek. Oǵan tek tilderdi meńgerý arqyly ǵana jetemiz. Olaı bolsa, qazaq, orys, aǵylshyn tilderin qatar meńgergen básekege qabiletti maman ataný – bárimizdiń negizgi maqsatymyzǵa aınalýǵa tıis.
«Júzi basqa bolsa da, júregi bir, tili basqa bolsa da, tilegi bir» bizder – Qazaqstannyń jarqyn bolashaǵymyz. Árbir jas táýelsiz elimizdiń tutastyǵyn, jerimizdiń bútindigin, halqymyzdyń jarastyǵyn aman saqtaı bilý qanshalyqty jaýapkershilik júkteıtinin jan-tánimen sezinýi kerek.
Qazaqstanda turatyn árbir ózge ult ókili qazaq tilin bilýge, qazaqtyń salt-dástúrin syılaýǵa, qurmetteýge mindetti. О́zin Qazaqstannyń bolashaǵymyn dep oılaıtyn árbir ózge ult ókili, osy memleketimizdiń erteńi úshin, jany, júregi aýyryp, osy eldiń, qazaq jeriniń patrıoty bolýy kerek.
Osy elde turyp jatqan barlyq ulttar úshin qazaq eli ortaq, jeri ortaq bolǵannan keıin onyń tili de ortaq bolaryna kámil senemiz. Qazaq tilin damytý da, onyń qoldanys aıasyn keńeıtý de – qolymyzda.
Nıkolaı SMOLIN.
Qaraǵandy oblysy.
