Tárbıe nári
Juma, 5 qazan 2012 7:15
Barsha qazaqstandyqty ortaq ıdeıaǵa toǵystyryp, bir baǵytqa uıystyrýda memlekettik tildiń atqarar mindeti, kınonyń, anımasııalyq fılmderdiń, massmedıanyń róli aıryqsha dep oılaımyn. О́ıtkeni, búgingi jas urpaq ómirge qajetti tárbıe nárimen otbasynan bólek osyndaı salalar arqyly sýsyndary sózsiz. Osyǵan baılanysty men óz usynystarymdy aıtqym keledi.
Juma, 5 qazan 2012 7:15
Barsha qazaqstandyqty ortaq ıdeıaǵa toǵystyryp, bir baǵytqa uıystyrýda memlekettik tildiń atqarar mindeti, kınonyń, anımasııalyq fılmderdiń, massmedıanyń róli aıryqsha dep oılaımyn. О́ıtkeni, búgingi jas urpaq ómirge qajetti tárbıe nárimen otbasynan bólek osyndaı salalar arqyly sýsyndary sózsiz. Osyǵan baılanysty men óz usynystarymdy aıtqym keledi.
«El bolamyn deseń, besigińdi túze» demekshi, jumystyń deni balanyń sábı kezindegi tárbıesinen bastalýy kerek. Ol úshin búldirshinderge arnalǵan anımasııalyq ónimderge kóńil bólý lázim. Bul oraıda tól týyndylardy kóbeıtýdiń, al sheteldik fılmderdi durys suryptaýdy jolǵa qoıýdyń mańyzy zor.
Sol sekildi eresekter úshin de kınonyń arqalar júgi orasan zor bolmaq. Eldiń kınosyna qarap ol memlekette qandaı halyq turatynyn bilýge bolatyny – ejelden anyq fakt. Osy salamen eldiń bolashaǵy qandaı bolatynyn da baıyptaıtyn jurt bar. Sol úshin birde-bir jańa lenta memleket nazarynan, qadaǵalaýdan tys qalmaýy kerek. Memlekettik tildegi, qazaqstandyq ıdeıany qoldaıtyn otandyq kınolardy kóptep shyǵarý kerek dep oılaımyn.
Shoý-bıznes pen massmedıanyń da qoǵamǵa bereri óte kóp. Bul salalar boıynsha sheshimin taýyp jatqan ister barshylyq. Kók týy jelbiregen egemendi elimizdiń eńsesi kúnnen-kúnge kóterilip keledi. Jas memleketimiz áli de talaı asý men belesterdi ala berýi úshin Qazaqstan azamaty retinde bar kúsh-jigerimdi jumsaıtyn bolamyn.
Aleksandr Kozlov.
Batys Qazaqstan oblysy.
