Bul týraly arnaıy baspasóz máslıhatyn ótkizgen «Atameken» ulltyq kásipkerler palatasy Almaty oblystyq fılıalynyń dırektory Narıman Ábilshaıyqov málimdedi.
- 2018 jyly óńir kásipkerlerinen túsken ótinishtiń sanyna qarasaq, palataǵa ár kún saıyn bir adam ashyǵmdanǵandaı bolady. Iаǵnı, byltyr biz 365 ret ótinish tirkedik. Bul arǵy jylmen salystyrǵanda kóp, 2017 jyly 311 shaǵym qabyldanǵan. Palatanyń aralasýynan keıin jergilikti bıznestiń múddesine oraı sheshilgen qarjy kólemi 701,2 mln teńgeni qurady, - deıdi Narıman Ábilshaıyqov.
Jalpy ótken jyly shaǵyn jáne orta bıznes nysandaryna qatysty 35 ákimshilik kedergi anyqtalǵan. Onyń on altysy respýblıkalyq deńgeıde bolsa, 19 kedergi jerglikti jerde týyndaǵan eken.
- Bizdiń taldaýymyz boıynsha aımaqtaǵy negizgi problemalyq suraqtar qatarynda jergilikti atqarýshy organ tarapynan jer ýchaskeleri boıynsha baıqaýlar men aýksıondardyń ótkizilmeýi ótkir tur. Sondaı-aq, «Sáýlet, qala qurylysy jáne qurylys qyzmeti týraly» Zańynyń 17 - baby, 4 - bólimi, 1- tarmaǵynda kórsetilgen norma jobalaý uıymdary úshin ákimshilik kedergi bolyp sanalyp, sybaılas jemqorlyq faktoryna múmkindik týǵyzady. Osy baǵyttaǵy jetildirý jumystary júrgizip, usynys ázirleýdemiz, - dedi oblystyq Kásipkerler palatasynyń basshysy.
Qalmahanbet MUQAMETQALI,
«Egemen Qazaqstan»
Almaty oblysy
