Ol osy jyly 19-20 aqpanda Baký qalasynda Kaspıı mańy elderi syrtqy ister mınıstrleri orynbasarlarynyń Kaspıı teńizi jóninde joǵary deńgeıdegi jumys tobynyń birinshi otyrysy ótetinin aıtty. Is-sharada Qazaqstan delegasııasyn Syrtqy ister mınıstrliginiń Erekshe tapsyrmalar jónindegi Elshisi Zýlfııa Amanjolova basqarady. Kezdesý barysynda byltyrǵy jylǵy 12 tamyzda Aqtaý qalasynda ótken Kaspıı sammıtiniń qorytyndysy boıynsha qol jetkizilgen ýaǵdalastyqtardy jáne Memleket basshylarynyń tapsyrmalaryn iske asyrý boıynsha keń aýqymdy máselelerdiń talqylanýy josparlanýda.
«Joǵary deńgeıdegi turaqty besjaqty konsýltasııalardyń mehanızmi Kaspıı teńiziniń quqyqtyq mártebesi týraly konvensııany tıimdi júzege asyrý jáne teńiz mańyndaǵy yntymaqtastyqqa sholý júrgizý maqsatynda «Kaspıı bestigi» eldiri kóshbasshylarynyń sheshimimen qurylǵan bolatyn. Esterińizge sala ketsek, osy jyly 8 aqpanda Memleket basshysy Nursultan Nazarbaev «Kaspıı teńiziniń quqyqtyq mártebesi týraly konvensııany ratıfıkasııalaý týraly» Qazaqstan Respýblıkasynyń Zańyna qol qoıyp, osylaısha bizdiń memleket bul tarıhı qujatty ratıfıkasııalaǵan bolatyn. Búginge deıin Qazaqstanmen qatar Konvensııany Túrikmenstan ratıfıkasııalady», dedi ol.
