Qazaqstan • 18 Aqpan, 2019

Shymkentte órtenip jatqan úıden sábılerdi aman alyp qalǵan jas batyr marapattaldy

282 ret kórsetildi

Shymkentte órtenip jatqan úıden sábılerdi aman alyp qalǵan 13 jastaǵy Baqytjan Berkimbaevty TJ departamentiniń bastyǵy marapattady. Búgin departamenttiń Daǵdarys ortalyǵynda jasóspirimniń erligi týraly baspasóz konferensııada aıtyldy.

Eske sala keteıik. 2019 jylǵy 16 aqpanda Qursaı móltek aýdanyndaǵy Jańaqurylys kóshesinde ýaqytsha salynǵan úıde órt oryn alǵan. Segizinshi synypta oqıtyn bala otqa oranǵan úıge qoryqpaı kirip, bir shette qorqyp otyrǵan 6 jasar qyzdy jáne 3 jasar balany dalaǵa alyp shyǵady. Aıta ketetin jaǵdaı, Baqytjan ózi jaqsy kóretin fýtbol oınap júrgen kezde qolyn shyǵaryp alypty. Soǵan qaramastan, jigerli jas batyr er azamattarǵa tán erlik jasap otyr.

Departament bastyǵy azamattyq qorǵaý polkovnıgi Nurbolat Derbısov:   «Baqytjan keleshekte bizge qutqarýshy bolyp keledi dep senemiz. Mundaı jigitterge biz arnaıy oqý ornyna barý týraly usynys aıtamyz. Biz úshin onyń der kezinde jasaǵan áreketi úlken erlik dep aıtar edim. Onyń ata-anasyna jáne ustazdaryna alǵys aıtamyn»,- dep atap ótti.

Baspasóz konferensııaǵa qatysqan Baqytjannyń sózinshe, sol kúni ol kóshede kólikte otyrǵan. Kenetten kórshiniń Araı esimdi qyzy úılerinde órt shyqqanyn aıtyp, kómek surap kelgen. «Qarasam úıdiń ishinde órt shyǵyp, jan-jaǵy janyp jatyr eken.    Tútinge tunshyqqan ba, áıteýir esinen tanýǵa shaq qalǵan kishkentaıyn dereý qolyma kóterip aldym da, úlkenin jetektep alyp shyqtym. Syrtqa shyqqan soń sý berip, kómektesýge tyrystym. Kórshiniń úıine alyp bardym. Anam qutqarý qyzmetine habarlasty. Keıin ata-analary da keldi»,- dedi jasóspirim. Mektepte ótken daıyndyq sabaqtarynda alǵan bilimderi Baqytjannyń aldynan shyqty. Al, Baqytjannyń synyp jetekshisi bolsa onyń úıinde tórt aǵaıyndy, 13 jastaǵy oqýshysy úıdiń kenjesi ekenin aıtty. Synypta júrgende de tek jaqsy qyrymen tanylǵan. 

Búgin jas qutqarýshyny TJ departamentiniń bastyǵy  alǵys hatpen marapattap, estelikke kitap syılady. Sondaı-aq, departament bastyǵy Nurbolat Derbısov jas batyrdy vedomstvolyq nagradamen jáne arnaıy alǵys hatpen marapattaý úshin Ishki ister mınıstrligine jáne qalalyq ákimdikke usynys joldanǵanyn jetkizdi.

Sońǵy jańalyqtar

Aıǵa alǵashqylardyń biri bolyp áıel qonady

Tehnologııa • Búgin, 10:00

Atyraý oblysy «sary» aımaqqa endi

Aımaqtar • Búgin, 10:00

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Elimizde bir táýlikte qansha adam vırýs juqtyrdy

Koronavırýs • 07 Naýryz, 2021

«Barys» utylyp qaldy

Sport • 06 Naýryz, 2021

Uqsas jańalyqtar