«Halyq sanynyń ósýin eskere otyryp, sońǵy 3 jylda 12 jańa aýrýhana men emhana salyndy. Prezıdenttiń tapsyrmasy boıynsha jumysqa jańa lep ákelgen ýchaskelik dárigerlerdiń jalaqysy 20%-ǵa artty. Iаǵnı, 3,5 myńnan asa dáriger men medbıkeniń jalaqysy kóterildi» dedi Baýyrjan Baıbek.
Ákimniń aıtýynsha, qalalyq medısınalyq uıymdarda áli de sheshimin tappaǵan túıtkildi máseleler óte kóp. Atap aıtqanda, sybaılas jemqorlyq, jarııalylyqtyń joqtyǵy, dári taǵaıyndaý, onyń esebin júrgizý, medısınalyq qyzmettiń sapasyna qatysty saýal kóp.
«Byltyr medısınalyq mekemelerdiń basshylaryna qatysty 29 tártiptik shara qoldanyldy. 12 basshy qyzmetinen qýyldy. Olardyń ekeýi jaǵymsyz sebeptermen ketti. Qalada densaýlyq saqtaý júıesin qalyptastyrý maqsatynda jol kartasy qabyldandy» dedi qala ákimi.
Ákim qalalyq densaýlyq saqtaý júıesin baqylaý keńesine mekeme basshylary men bas dárigerler kirmeıtinin aıtty.
«Qoǵamdyq densaýlyq basqarmasynyń basshysy, sizge eskertemin. Osy kartanyń júzege asýyna jaýapkershilikti siz óz moınyńyzǵa alasyz» dedi ol.
