«Buqaralyq aqparat quraldaryn akkredıtasııalaý erejeleriniń jobasyn erekshe atap ótkim kelip otyr. Vıse-mınıstr Nurgúl О́serbaıqyzy Maýberlınovaǵa atalǵan jobany keńinen talqylaýdy tapsyramyn. Jýrnalısterdiń barlyq usynystary men eskertýlerin qamtý qajet. Akkredıtasııalaý erejeleri tek konsensýs negizinde ǵana qabyldanýy shart. Buqaralyq aqparat quraldarynyń pikirlerin barynsha eskerý kerek» dedi D.Abaev.
Esterińizge sala ketsek, keshegi Úkimet otyrysynan keıin mınıstr jýrnalısterdi akkredıtasııadan ótkizý jáne taqyryp boıynsha pikir bildirgen bolatyn. Mınıstrdiń aıtýynsha, jýrnalıst naqty bir mamannyń quziretine jatatyn kez kelgen suraqty qoıýǵa quqyly. Biraq is-shara basqa taqyryp boıynsha ótýi múmkin. Al moderator sol taqyryp boıynsha suraq qoıýǵa talap etedi.
«Endi moderator aldyn ala taqyrypty jarııalap, tek soǵan qatysty suraq qoıýǵa ótinish jasaı alady. Onda turǵan eshteńe joq dep oılaımyn. Biraq is-sharadan keıin maman, ıa bolmasa, sheneýnik óz quziretine jatatyn kez kelgen suraqqa jaýyp berýge mindetti. Ol úshin jýrnalıstiń akkredıtasııasyn eshkim alyp qoımaıdy. Akkredıtasııa týraly erejelerde yńǵaısyz suraqtarǵa qatysty eshteńe jazylmaǵan» dedi D.Abaev jýrnalısterge bergen suxbatynda.
Mınıstrdiń qaraǵanda, erejede yńǵaısyz suraqtarǵa qatysty eshteńe jazylmasa da, moderatordyń tártibi saqtalmaǵan jaǵdaıda jýrnalıstti akkredıtasııadan aıyrý máselesi bar.
Biz ony alyp tastaıtyn shyǵarmyz. Sosyn akkredıtasııadan ótken jýrnalıstrdiń sanyna qatysty bir másele bar. Biz barlyq redaksııalardy qamtýǵa tyrysamyz. Biraq keı basylymdar 5-7 jýrnalısti akkredıtasııaǵa jiberedi. Sodan oryn jetpeı jatady. Ol jaǵyn da qarastyramyz. Akkredıtasııa úshin jýrnalıstiń kelisimshartyn kórsetý mindetin de alyp tastaımyz» dep atap kórsetti D.Abaev.
Osy oraıda mınıstr jýrnalısterdi jazbasha usynys berýge úndedi. Atalǵan taqyrypty keńinen talqylaý úshin arnaıy jınalys ta ótkizýge kelisti
