«Erespal» preparatynyń balamalary da bar. Olar - ýkraınalyq «Inspıron» jáne túrkııalyq «Tırfıns» preparattary. Biz «Eraspoldy» keri aqtaryp alsaq, myna preparattardyń satylymyn zańnamaǵa sáıkes ýaqytsha toqtattyq. Múmkin kóbinde alyp tastaǵan shyǵar. Keıbirinde áli bar. Bul ne degenmen de adamı faktor ǵoı. Múmkin bireýler estimegen shyǵar. Ondaı da bolýy múmkin», - dedi densaýlyq saqtaý mınıstrligi farmasııa komıteti tóraǵasynyń orynbasary Nurlybek Asylbekov.
Bul rette ol málimdegendeı, keri qaıtaryp alý rásimi jetildirilýde.
«Onyń ústine, qazir, sizder, estigen bolarsyzdar, medıkamentterdi baqylaýdyń pılottyq jobasy ázirlenýde. Sol kezde dáriniń satylymyn toqtata turý týraly habar, men oılaımyn, lezde taraıtyn bolady dep», - dep sanaıdy farmasııa komıteti basshysynyń orynbasary.
Habarda atap ótilgendeı, satylymnan alyp tastalǵan preparattardyń kóleminiń qansha ekeni, qansha tabletka men shárbát shynysynyń qolǵa ketkeni týraly farmasııa komıteti bilmeıdi, alaıda preparattar dárigerdiń nusqamasy boıynsha ǵana satylady.
«Bul baqylaý júıesi de jetildirilýde», - delingen habarda.
Ázirge naýqastarǵa atalmysh dárilerdi qoldanýdy toqtatyp, dárigerimen keńesý usynylýda.
«Mundaı aqparattyq júıe ázirge qalyptastyrylýda. 20-shy jyldan bastap biz dárigerdiń barlyq nusqamasyn elektrondy etýdi josparlap jatyrmyz. Mine sol kezde biz ony kóretin bolamyz», - dedi N. Asylbekov.
Eske salsaq, 14 aqpanda Fransııa dárihanalarynan alynyp tastalyp jatqan asa qaýipti «Erespal» dárisiniń Qazaqstanda satylyp jatqany habarlanǵan edi. Habarda atap ótilgendeı, «Erespal» júrek jumysyn buzyp, onyń toqtaýyna da jetkizetin asa qaýipti preparat. Sol kúni belgili bolǵandaı,qazaqstandyq bılik asa qaýipti preparattyń tirkeý kýáligin keri qaıtaryp alǵan. Sonymen qatar, densaýlyq mınıstrliginde habarlaǵandaı, Eýropalyq dári-dármek agenttiginiń quramyna kiretin farmbaqylaý salasyndaǵy qaýipterdi baǵalaý komıtetinen naqty usynys alǵanǵa deıin Qazaqstannyń memlekettik dári-dármek tiziliminde tirkelgen quramynda MNN fenspırıdi bar basqa da preparattardyń tirkeý kýálikterin toqtata turý týraly usynys jasaldy.
