«Medısına boıynsha bizde tórt basymdyq bar: aýrýlardan bolatyn ólim-jitimdi azaıtý, tıimdi aldyn alý men emdeý maqsatynda ınfraqurylymdardy qurý, kadrlarǵa arnalǵan áleýmettik paket jáne jabdyqtaý men ınnovasııa» dedi Astana qalasynyń ákimi Baqyt Sultanov halyqqa esep berý kezdesýinde.
Onyń aıtýynsha, elordada qan aınalymy júıesi (-18%), ınfarkt (-9%), gıpertonııa (-8%), onkologııa (-8%) boıynsha kórsetkishter aıtarlyqtaı jaqsardy.
«Bul sandarmen ondaǵan myń naýqastyń ómiri baılanysty. Orta eseppen ólim-jitim 10%-ǵa tómendedi» dep atap ótti qala ákimi.
Astananyń aýrýhanalary men medısınalyq ortalyqtary el boıynsha kóptiń kóńilinen shyǵyp júr. Elordalyq klınıkanyń árbir besinshi naýqasy elimizdiń aımaqtarynan keledi. «Úıdegi dáriger» biregeı jobasyn astanalyqtardyń maqtanyshy dep ataýǵa bolady. Onyń ereksheligi – yqsham emdeý ambýlatorııalarynyń jelisin qurý úshin turǵyn úılerdiń birinshi qabattaryn paıdalaný. Olar kez kelgen turǵyn úshin qoljetimdi bolýy tıis.
«Dárigerler doktrınasy emdeý emes, aldyn alý jaǵyna qaraı jyljyp keledi. Skrınıng, gıperdıagnostıka jáne áıelderge, ásirese kópbalaly áıelderge qamqorlyq jasaý óz jemisin beredi», dedi Sultanov.
