«Eski avtobýstar qashan aýystyrylady? 52, 40, 46, 70, 2, 22 sııaqty marshrýttarda áli kúnge deıin eski avtobýstar jumys isteıdi. Eski avtobýstardyń ishinde óte sýyq. Eski qozǵaltqyshtar óte shýly. Halyqqa jol júrý aqysyn kótergen eken, soǵan sáıkes sapaly tasymaldar úshin sharalar qoldanýyńyzdy suraımyn», – dedi kezdesýge qatysýshy.
«Avtobýs parkiniń 70% jańartyldy, biz halyqaralyq qarjy ınstıtýttaryn arnaıy tartýdamyz. О́zderińiz kórip otyrsyzdar, jańa avtobýstar óte yńǵaıly. Qalǵan 30%-y – tehnıkalyq turǵysynan talapqa sáıkes avtobýstar. Biraq biz olardy barynsha jańartý úshin jumys isteıtin bolamyz. Tıisti qarjy ınstıtýttary men quraldary bar, avtobýstar sanyn da, reısterdiń jıiligin da arttyramyz», – dep jaýap berdi ákim.
Baqyt Sultanovtyń aıtýynsha, qoǵamdyq kólik júıesine qyzmet kórsetý sapasyna qatysty iKomek arqyly kóptegen shaǵym kelip túsýde.
«Men barlyq aýdan ákimderine avtobýstardyń aıaldamalarǵa qatynaýyn, aıaldamalarda «baıbalamnyń» bolmaýyn, apatty jaǵdaı týǵyzbaýyn baqylaýdy tapsyrdym. Qyzmet kórsetý men avtobýstardyń sapasy, reıster jıiligi erekshe baqylaýda. Jaqyn arada onyń kóz aldyńyzda qalaı jaqsaratynyn kóresizder», – dedi qala ákimi.
Budan buryn Baqyt Sultanov óz sózinde jaqynda 80 gaz avtobýsyn satyp alý josparlanǵanyn, pılottyq rejimde elektrobýs iske qosylǵanyn habarlaǵan bolatyn.
