Bazalyq metalldardyń álemdik qunynyń tómendeýine, negizgi saýda seriktesterine qatysty sanksııalarǵa (Iran, Reseı) jáne basqa da syrtqy faktorlarǵa qaramastan, ónerkásip 2018 jyldyń qorytyndysy boıynsha 4,1%-ke ósti. Atap aıtqanda, taý-ken ónerkásibi 4,6%-ke, óńdeý ónerkásibi 4%-ke ósti. Bul týraly Indýstrııa jáne ınfraqurylymdyq damý mınıstri Jeńis Qasymbek beısenbi kúni vedomstvo alqasynyń otyrysynda aıtty.
«О́ńdeý sektoryndaǵy ósimniń negizgi draıverleri mynalar: metallýrgııa +2,2%, mashına qurastyrý + 14,1%, hımııa ónerkásibi +8,1%, jeńil ónerkásip +4,4%. Taý-ken óndirisi sektorynda temir keni óniminiń kólemi «Sokolov-Sarybaı taý-ken baıytý óndiristik birlestigi» Aksıonerlik qoǵamynda óndiris kóleminiń artýy esebinen 6,5%-ke ósti. Túrli tústi metall keni óniminiń kólemi eki mańyzdy jobany iske qosý esebinen artty. Olar: «Baqyrshyq taý-ken óndirisi kásiporny» taý-ken baıytý kesheni Jaýapkershiligi shekteýli seriktestigi jáne «Sary-Arka Copper Processing» JShS» dedi Mınıstr óz baıandamasynda.
Sonymen qatar Mınıstr túrli-tústi metallýrgııada óndirý kólemi «Qazaqmys Korporasııasy» men «Kazsınk» Jaýapkershiligi shekteýli seriktestikterinde artqanyn aıtyp ótti.
