«20 aqpan tańerteńgi saǵat 07.30 shamasynda 6505 áskerı bóliminiń 2-atqyshtar batalonynda merzimdi áskerı boryshyn ótep júrgen qatardaǵy sarbaz Álibı Sapa qylmystyq atqarý júıesi mekemesin kúzetý boıynsha qyzmetin oryndaý barysynda óz basyna oq atyp aldy. Saldarynan ol qaza boldy», - dep málim etti «Ortalyq» Aımaqtyq qolbasshylyǵynyń baspasóz qyzmetinen.
Kóz jumǵan sarbaz 2000 jyly týǵan. Merzimdi áskerı qyzmetke 2018 jyldyń jeltoqsanynda Almaty oblysy Talǵar aýdanynyń qorǵanys isteri jónindegi bólimnen shaqyrylǵan.
Qazirgi tańda oqıǵanyń mán-jaıy anyqtalýda. Ortalyq aımaqtyń Áskerı-tergeý basqarmasynyń jedel tergeý toby jumys istep jatyr. Olar qyzmettik tekseris ótkizýde. 6505 áskerı bóliminiń qolbasshylyǵy qaza bolǵan qatardaǵy áskerı qyzmetshi Álibı Sapanyń týǵan-týystaryna qaıǵyra kóńil aıtty.
