Qazaqstan • 21 Aqpan, 2019

Qyzylordalyq polıseıler zańsyz ań aýlaýshylardy ustady

651 ret

kórsetildi

1 mın

oqý úshin

Qazaly aýdany Polısııa bóliminiń qyzmetkerleri jáne Qyzylorda oblystyq orman sharýashylyǵy jáne janýarlar dúnıesin qorǵaý aýmaqtyq ınspeksııa qyzmetkerlerimen birlesken reıdtik is-sharalar kezinde ótken jyldyń qarasha aıynda Qazaly kenti Aqtan batyr aýylyna qarasty «Alaıǵyr» kóliniń janynda «Opel Frontera» markaly avtokóligi toqtatylyp, tekserý barysynda júrgizýshisinen bólek eki jolaýshysy bolǵandyǵy anyqtaldy. Avtokóliktiń júk salǵyshynan 1 dana projektor, 16 kalıbrli jáne 12 kalıbrli qos aýyzdy 2 dana ańshy myltyǵy men 10 dana atylǵan óli qoıan tárkilendi.

Qyzylordalyq polıseıler zańsyz ań aýlaýshylardy ustady

Atalǵan derek boıynsha QR QK-nyń 337-babynyń 1-bóligimen sotqa deıingi tergep-tekserý amaldary júrgizilip, jınaqtalǵan qujattar sotqa joldandy.

Qazaly aýdandyq sotynyń 2019 jylǵy 17 qańtardaǵy qaýlysymen memleket paıdasyna ortaq túrde barlyǵy 262 myń 670 teńge óndirilip jáne «Opel Frontera» markaly avtokóligi, 2 ańshy myltyǵy tárkilendi. Sonymen qatar, ań aýlaýǵa tyıym salynǵan projektor quraly joıyldy.

Aldaǵy ýaqytta da Qyzylorda oblysy Polısııa departamentiniń tabıǵatty qorǵaý polısııasy salaly qurylymdarmen oblys kóleminde ekologııalyq quqyq buzýshylyqtar men qylmystyń aldyn alý, eskertý, jolyn kesý jáne anyqtaý jumystary óz jalǵasyn tabady.