Qazaqstannyń Qazan qalasyndaǵy Bas konsýldyǵy jergilikti bılikpen shuǵyl baılanysqa shyǵyp, bizdiń dıplomattar Ekaterınbýrgtegi qazaq dıasporasynyń ókilderimen birge zardap shekken otandastarymyzǵa barlyq qajetti kómek kórsetýde. Oǵan qosa, QR Qazandaǵy Bas konsýly Erkin Tuqymov jáne kazaq dıasporasy uıymynyń jetekshisi zardap shekken azamattarmen aýrýhanada kezdesti.
Bas konsýldyń Sverdlov oblysy Halyqaralyq jáne ekonomıkalyq baılanystar jónindegi mınıstrimen kezdesýi barysynda bizdiń azamattarǵa barlyq medısınalyq kómek kórsetýdi surady. О́ńirdiń Densaýlyq saqtaý mınıstrligine tıisti tapsyrma berildi.
Qazirgi ýaqytta úsh áıel aýrýhanada, óz esterin jıǵan jáne qalpyna keltirý terapııasynan ótýde. Qalǵan eki áıel alǵan jaraqattarynyń aıtarlyqtaı emestigine baılanysty aýrýhanadan shyǵarylǵan. Kólik júrgizýshisi jaraqattardyń joqtyǵyna baılanysty aýrýhanaǵa jetkizýden bas tartty.
Atalǵan másele Qazaqstannyń Qazan qalasyndaǵy Bas konsýldyǵynyń baqylaýynda.
