Kezdesýge Qoǵamdyq damý mınıstriniń m.a. Darhan Qaletaev, QR Prezıdenti Ákimshiliginiń memelekettik ınspektory Sálimgereı Bekbergenov qatysýda.
Esep berý kezdesýi tikeleı efırde jergilikti telearnalar men áleýmettik jelilerde de kórsetildi.
- Meniń búgingi esebim barlyq deńgeıdegi ákimderdiń qorytyndy kezdesýleriniń tizbegin aıaqtap otyr. Qystyń sońǵy aıynda halyqpen 429 kezdesý ótkizilip, oǵan 40 myń adam qatysty. О́zimniń esebimdi ótken jyldyń shegi emes, atqarylǵan jumystardyń sapaly ólsheminiń kórsetkishteri jáne bolashaqqa qoıylǵan maqsattarǵa qosymsha túzetý engizýdiń múmkindigi dep bilemin, - dedi Erlan Qoshanov. – Búgingi tańda tildesýdiń, aqparat almasýdyń joldary alýan túrli – messendjerler, áleýmettik jeliler, saıttar. Sonyń saldarynan betpe-bet júzdesip, dıalog qurý múmkindikteri joıylyp barady. Sondyqtan osy sekildi kezdesýler arqyly sizdermen júzdesýdiń balamasyn kórip otyrǵan joqpyn.
О́ńir basshysy ótken jylǵy esep berý kezdesýinen keıin jergilikti bılik qandaı jumystar atqarǵanyn baıandady. Onyń aıtýynsha, sol jıynda kóterilgen 65 máseleniń 37-i sheshilgen. Qalǵandaryn sheshý úshin ýaqyt qajet.
- Jezqazǵan turǵyndary daryndy balalarǵa arnalǵan mekteptiń joqtyǵy týraly aıtty. Másele qaraldy, respýblıkalyq bıýdjetten qarajat bólindi, nátıjesinde mekteptiń qurylysy bastaldy. Qaraǵandylyqtar ortalyq saıabaqtyń abattandyrylmaǵandyǵy týraly máslekótergen bolatyn. О́tken jyly saıabaqtyń batys bóligin qaıta jańartý jumystary júrgizildi. Bıylǵy jyly saıabaqty qalypqa keltirýdi jalǵastyramyz. О́tken jyly barlyǵy 80 gúlzar men oblys boıynsha 2 úlken saıabaq abattandyryldy, - dep habarlady Erlan Qoshanov.
Temirtaýda eń basty máselelerdiń biri ekologııaǵa qatysty bolyp tabylady, dep atap ótti ol. Metallýrgter qalasyndaǵy ekologııalyq jaǵdaıdy jaqsartý úshin jospar quryldy. Táýelsiz ekologtar jáne jurtshylyqtyń qatysýymen Jasyl keńes quryldy.
Turǵyn úı sharýashylyǵy jáne ınfraqurylym máseleleri de sheshilýde. Abaıda kárizdik jelilerdi qalypqa keltirý jumystary bastaldy - quny 4 mlrd teńgeni quraıtyn joba úsh jylǵa josparlanǵan. Al Qarqaraly aýdanynyń Appaz aýylynda jańa sý taratqysh salynady. Nura aýdanynda bıylǵy jyly Qulanótpes ózeni arqyly ótetin kópirdi qalypqa keltirý jumystary aıaqtalady.
