Kóshbasshylyqqa qadam
Juma, 10 tamyz 2012 19:46
Elordadaǵy Ulttyq ǵylymı medısınalyq ortalyqta ótken baspasóz máslıhaty osy ortalyqtyń qatysýymen iske asyp jatqan «Ǵalamdyq kóshbasshylyqqa jetý» jobasynyń birinshi kezeńiniń qorytyndylaryna arnaldy.
Aldymen sóz alǵan «Ulttyq medısınalyq ortalyq» aksıonerlik qoǵamynyń dırektory Abaı Baıkenjın «Ǵalamdyq kóshbasshylyqqa jetý» jobasy týraly áńgimelep berdi. Bul AQSh-tyń Stemedika kompanııasy men óz elimizdegi Ulttyq-ǵylymı ortalyqtyń birlesýimen bes jylǵa josparlanǵan aıtýly jobalardyń biri eken. «Jobanyń maqsaty, aty aıtyp turǵandaı, medısına salasynda kóshbasshylyqqa jetý.
Juma, 10 tamyz 2012 19:46
Elordadaǵy Ulttyq ǵylymı medısınalyq ortalyqta ótken baspasóz máslıhaty osy ortalyqtyń qatysýymen iske asyp jatqan «Ǵalamdyq kóshbasshylyqqa jetý» jobasynyń birinshi kezeńiniń qorytyndylaryna arnaldy.
Aldymen sóz alǵan «Ulttyq medısınalyq ortalyq» aksıonerlik qoǵamynyń dırektory Abaı Baıkenjın «Ǵalamdyq kóshbasshylyqqa jetý» jobasy týraly áńgimelep berdi. Bul AQSh-tyń Stemedika kompanııasy men óz elimizdegi Ulttyq-ǵylymı ortalyqtyń birlesýimen bes jylǵa josparlanǵan aıtýly jobalardyń biri eken. «Jobanyń maqsaty, aty aıtyp turǵandaı, medısına salasynda kóshbasshylyqqa jetý. Ol birneshe kezeńmen iske asyrylady. Atap aıtar bolsaq, elimizde halyqaralyq standarttardyń jáne hattamalardyń engizilýi, sheteldik pasıentterdiń qatysýmen birlesken klınıkalyq synaqtar ótkizý, Ortalyq bazasynda FDA (AQSh) sertıfıkaty boıynsha óndiristik zerthana salý, sonymen birge FDA talaptaryna sáıkes AQSh aımaǵynda qazaqstandyq jasýsha tehnologııalaryn synaqtan ótkizý jáne halyqaralyq patentter shyǵarý barysynda jobada kózdelgen maqsattarǵa jetemiz», – dedi ortalyq dırektory.
Atalǵan jobanyń sheńberinde 2010 jyly Ulttyq medısınalyq ortalyqta jasýsha tehnologııalary jáne olardy medısınada qoldaný úshin FDA (AQSh) sertıfıkatymen zerthana ashylǵan. Osy zerthanada AQSh-tan keletin naýqastardy emdeýge kelisim-shart jasaldy. Alǵashqy pasıentter 2010 jyldyń jeltoqsanynda kele bastady. «Diń jasýshalary arqyly transplantasııa jasaýdyń qaýipsizdigi men nátıjeliligi belgili bolǵan soń, biz amerıkalyq taraptarmen kelisim-shartqa otyrdyq. Biraq bul jerde tek amerıkalyq pasıentterdi emdeımiz degen oı týmaýy tıis. О́ıtkeni, biz eń aldymen óz otandastarymyzǵa kómek kórsetýdi maqsat etemiz. Osy zerthana ashylǵaly beri óz elimizdiń 3 jarym myńdaı turǵynyna diń jasýshalary transplanttaldy. Sondaı-aq, biz otandastarymyzǵa tegin qyzmet kórsetemiz», – dedi Abaı Baıkenjın.
Ortalyqta ótken baspasóz máslıhatyna Stemedika kompanııasynyń dırektory Devıd Hoý, túrli aýrýlarǵa shaldyqqan, biraq diń jasýshalarynyń kómegimen jaǵdaıy jaqsarǵan birneshe amerıkalyq pasıentter qatysty. Devıd Hoý Qazaqstandaǵy, onyń ishinde Ulttyq ǵylymı medısınalyq ortalyqtaǵy diń jasýshalary zerthanasynyń álemdegi teńdessiz zerthanalardyń biri ekenin, munda óz isiniń naǵyz sheberleri eńbek etip jatqanyn aıta kele, qazaqstandyq áriptesterine rızashylyq bildirdi.
Aıgúl SEIILOVA,
«Egemen Qazaqstan».
