«Beınesabaqtar qazaq tilinde durys sóıleýdi jetildirýge baǵyttalǵan jáne kúndelikti turmysta jıi qoldanylatyn mysaldardan turatyn dıalog túrinde túsirilgen. Sabaqtar tildi jańadan úırenip bastaǵan jáne ony meńgerip alǵandarǵa kómektesetin resýrstar jınaqtalǵan. Qazirgi ýaqytta Youtube-arnasynda «Soyletube» arnasynyń 8 beınerolıgi júkteldi» dedi Memlekettik tildi damytý qorynyń dırektory Azat Sháýeev.
Sonymen qatar, «Soyle.kz» onlaın-kýrsynyń aǵylshynsha jáne latyn grafıkasyndaǵy nusqasy iske qosylǵan bolatyn. Búgingi kúni «Soyle.kz» portalynda 115 myńnan astam adam til úırenýde. Portal ashylǵaly 5 mıllıonnan astam Qazaqstandyq jáne sheteldik qoldanǵan, al áleýmettik jeliler arqyly kúndelikti 30 myń adam qazaq tilin úırenedi.
Aıta ketsek, joba Tuńǵysh Prezıdent – Elbasy qory jáne «Samruk-Kazyna Trust» áleýmettik jobalardy damytý qorynyń qoldaýymen ázirlendi.
