Jyl saıyn sporttyq kıimder men quraldarǵa bólinetin qarajat kólemi ulǵaıtylýda. Eń bastysy – balalardyń oblystyq, respýblıkalyq jáne halyqaralyq saıystarǵa qatysýy qarjylandyrylady. 2018 jyly Qaraǵandy oblysynan 28 000 jýyq sportshylar túrli deńgeıdegi 972 saıystarǵa qatysqan. Ol jarystarda 8687 medal qanjylaǵan, onyń ishinde altyn - 2831, kúmis – 2735, qola - 3121.
О́ńirimizde 114 halyqaralyq jáne reaspýblıkalyq saıystar, 42 Qazaqstan chempıonattary, 31 halyqaralyq tirnırler men eki álemdik birinshilikter uıymdastyryldy.
Balalar sport mektepteri tek Qaraǵandyda ǵana emes, sonymen qatar Temirtaý, Saran, Shahtınsk, Abaı, Qarajal, Balqash, Jelqazǵan qalalarynda, sondaı-aq oblystyń barlyq aýdandarynda da jumys isteıdi. Kentterde ashylatyn dene shynyqtyrý-saýyqtyrý keshenderi jattyǵýlar ótkizetin bazaǵa aınalyp otyr.
О́tken jyldan bastap «Sıfrlyq Qazaqstan» baǵdarlamasy boıynsha oblystyń sport mekemelerinde «Dene shynyqtyrý jáne sport monıtorıngi» avtomattandyrylǵan aqparattyq júıesi engizilýde. Ol barlyq sport mektepteri boıynsha biryńǵaı derekter bazasyn qurýǵa múmkindik beredi. Bul óz kezeginde sportshylar men jattyqtyrýshylardy qarjylandyrýdyń ashyqtyǵy men aıqyndylyǵyn qamtamasyz etedi, óńirde sport túrleri men ınfraqurylymnyń damýy týraly naqty jáne tolyq aqparat beredi.
Sonymen qatar mobıldi qosymsha da jasalyp jatyr. Onyń kómegimen kez kelgen adam óńirdegi sport mektepteri, federasııalar men klýbtar týraly barlyq aqparatty, jumys kestesin bile alady, sondaı-aq paıdalanýshylar úshin qosymshada jattyqtyrýshylar týraly málimetter men balany seksııaǵa jazý atqarymy bolady.
Oblysymyzdaǵy balalarda sportpen shuǵyldanýǵa jaǵdaı jasaý úshin kóptegen jumystar atqarylyp jatyr.
Eń jarqyn mysaldardyń biri – Qaraǵandy gımnastıka mektebiniń tárbıelenýshileri, jastar arasynda sporttyq akrobatıka boıynsha álem chempıonatynyń jeńimpazdary Nıkıta Amoskın men Anastasııa Dolganıýk. Novodolınka kentiniń týmasy Nıkıta jýyrda «Qazaqstannyń 100 tulǵasy» respýblıkalyq jobasynyń jeńimpazy atandy. Osymen on jyl qatarynan ol kún saıyn tańǵy altyda turyp, sport mektebine jattyǵýǵa barady. Nıkıta Amoskın – ómirde qalaǵanyńyzdyń barlyǵyna qol jetkizýge bolatynyn dáleldeýshi.
