Elbasymyz N.Á.Nazarbaev óz sózinde: «Zamanaýı turǵyda densaýlyqty saqtaý qymbat, stasıonarlyq emge emes, syrqattardy saýyqtandyrý isine beıimdelý kerek» dep atap aıtqan edi. Búgingi tańda elimizdegi emdeý mekemeleri halyqaralyq standarttarǵa saı medısınalyq qurylǵylarmen jabdyqtalǵan. Medısına salasynyń mamandaryn daıarlaý deńgeıi de turǵyndarǵa sapaly dárigerlik kómek kórsetýge kepildik berip otyr. Onyń zamanaýı sıfrlyq júıege kóshirilýi – jurtshylyqpen aradaǵy baılanysty jaqsartyp, jumysty tıimdi túrde josparlaýǵa, dárigerlik qyzmetti ońtaılandyryp, sapasyn arttyrýǵa óz septigin tıgizýde.
Bul oraıda Selınograd aýdanynda da birshama júıeli ister qolǵa alynǵan. Qoıandydaǵy dárigerlik ambýlatorııa aǵymdaǵy jyldyń qańtarynan bastap jurtshylyqqa, sonyń ishinde balalar men eresekterge birdeı qyzmet kórsetip keledi. Atap aıtqanda, alǵashqy medısınalyq-sanıtarlyq kómekten bastap, terapevt, endokrınolog, kardıolog, oftalmolog, akýsher-gınekolog, balalar dárigerleri mamandyqtary boıynsha syrqattarǵa kómek kórsetiledi.
Ortalyqta sonymen qatar, joǵary kategorııaly hırýrg, ýrolog jáne ortoped-travmotolog sııaqty mamandar naýqastardy qabyldap, keńes beredi. Munda respýblıkalyq bıýdjetten qarjy bólinýine baılanysty medısınalyq qyzmetter tegin kórsetiledi. 2017 jyly paıdalanýǵa berilgen osy densaýlyq ortalyǵy eki qabatty ǵımaratta ornalasqan, jalpy aýmaǵy 400 sharshy metrdi quraıdy.
Baıqal BAIÁDIL,
«Egemen Qazaqstan»
Selınograd aýdany
Aqmola oblysy
