«2019-2021 jyldary jańartylǵan mazmun boıynsha qaıta daıarlaý kýrstarynan mektepterdegi, kolledj ben JOO-lardaǵy 244 myń pedagog ótedi», - dedi Shamshıtdınova beısenbidegi úkimet otyrysynda.
Mınıstr atap ótkendeı, 2020 jyldan bastap atalmysh kýrstardan ótýge qarastyrylǵan qarjy joǵary oqý oryndaryna aǵylshyn tilinen sabaq beretin muǵalimderdi daıarlaýǵa jumsalatyn bolady. «Osy jyldan bastap mektepterge til meńgergen JOO túlekteri kele bastaıdy. Pánderdi aǵylshyn tilinde oqytý kadrlardyń daıyn bolýyna qaraı kezeń-kezeńimen júrgiziledi», - dep habarlady mınıstr.
Sonymen qatar, onyń aıtýynsha, mektepter qurylysy men olarǵa kúrdeli jóndeý jumystaryn júrgizýdi qarjylandyrýdyń jańa ádistemesi engiziletin bolady. «Qarjylandyrý kólemi oqýshylar kontıngentine baılanysty bolady. Mektep qurylysynyń orny jergilikti atqarýshy organ quzyretine kiredi», - dedi mınıstr.
«Bilim berýdiń barlyq deńgeıindegi oqytý baǵdarlamalary zamanaýı talaptarǵa sáıkes jandandyrylady», - dedi ol.
