Qazaqstan halqy assambleıasynyń qurylǵan kúni, ıaǵnı 1 naýryz – Prezıdenttiń usynysymen jyl saıyn barlyq etnostyń bir-birine jáne meıirbandyq tanytyp, ol adamdardy óz týǵanyndaı qabyldaǵan qazaqtarǵa alǵys aıtý kúni retinde atap ótiledi.
Osy merekege oraı ótken baıqaýǵa 16 úmitker qatysyp, baq synady. Olardyń arasynda ózbek, túrkimen, nemis, sheshen, ýkraın, orys halqynyń ókilderi bar. Qatysýshy jastar uly Abaıdyń, Mahambettiń, Sultanmahmut Toraıǵyrovtyń, Muqaǵalı Maqataevtyń, Tólegen Aıbergenovtiń, Juban Moldaǵalıevtiń, Ábdildá Tájibaevtyń, Qadyr Myrza Áliniń óleńderin naqyshyna keltire oqydy.
Qazylar alqasynyń músheleri – ýnıversıtettegi «Qazaqstan halqy Assambleıasy» kafedrasynyń meńgerýshisi Turar Shaıhıev, «Aǵaıyn» qazaq etnomádenı birlestiginiń tóraǵasy Maqsot Bergen, «Tatar mádenı ortalyǵy» qoǵamdyq birlestiginiń ókili Álfııa Japarovalar el birligi men tatýlyǵyn nyǵaıtyp, beıbitshilik pen kelisimge uıytqy bolatyn osyndaı sharalar dástúrli túrde ótse eken degen tilegin jetkizdi.
Baıqaý qorytyndysynda Anastasııa Badeeva men Kámıla Charykýlyeva júldeli birinshi oryndy teń bólisse, Mádına Artaeva ekinshi oryndy, Varvara Osınovskaıa men Valentın Kozlov úshin júldeni ıelendi. Jeńimpazdar dıplom, alǵys hattar men baǵaly syılyqtarmen marapattaldy.
Qazbek QUTTYMURATULY,
«Egemen Qazaqstan»
Batys Qazaqstan
Sýretti túsirgen Rıta Sultanǵalıeva
