Jastar jyly aıasynda odaq pen ýnıversıtet mashına jasaý salasynda tehnıkalyq mamandyqtardyń bilikti kadrlaryn daıarlaýǵa baǵyttalǵan yntymaqtastyq týraly memorandýmǵa qol qoıdy. Sharaǵa atalǵan odaq basqarmasynyń tóraǵasy Meıram Pishembaev, S.Seıfýllın atyndaǵy Qazaq agrotehnıkalyq ýnıversıtetiniń rektory Aqylbek Kúrishbaev jáne JOO oqytýshylary men stýdentteri qatysty.
«Aýyl sharýashylyǵy óndirisin damytý ınnovasııany qoldaý arqyly iske asady. Búgingi is-shara mashına jasaý salasynda jańa formattaǵy kadrlardy daıarlaýǵa baǵyttalǵan bolashaq yntymaqtastyqqa jaqsy túrtki bolady», dedi rektor.
M.Pishembaev ta bul sharanyń mańyzyn atap ótti. «Búgin biz ǵylym men bıznestiń ózara is-qımyly salasyndaǵy mańyzdy is-sharalardyń birin ótkizemiz. Elbasy aıtqan áleýmettik bastamalar tórtinshi ónerkásiptik tóńkeris jaǵdaıynda jańa ekonomıkada talap etiletin mamandardy damytýǵa basa nazar aýdarady. Iаǵnı, mashına jasaýda ǵana emes, barlyq óńdeýshi salany damytýdyń qozǵaýshy kúshi bolatyn bilikti kadrlar qajet», dedi ol.
«Samruk-Kazyna Trust» áleýmettik jobalardy damytý qory odaqpen birlesip robottehnıka boıynsha praktıkalyq sabaqtar ótkizýge arnalǵan oqý jınaqtaryn, quraldar men qorǵanys quraldaryn tabys etti. Bul jınaqtar oqytý prosesin tolyqtyrýǵa, atap aıtqanda, teorııalyq bilimdi praktıkada qoldanýǵa múmkindik beredi. О́z kezeginde stýdentter zerthanada ózderiniń tájirıbelik daǵdylaryn kórsetti.
Raýan QAIDAR,
«Egemen Qazaqstan»
