– Qazirgi tańda Úndistanda elimizge qaıta almaı júrgen otandastarymyz týraly aıtyp berseńiz?
– Úndistan men Pákistan arasynda áskerı-saıası jaǵdaıdyń shıelenisýine baılanysty 27 aqpanda áýe keńistigi jabylǵan bolatyn. Nátıjesinde AirAstana kompanııasynyń 4 áýe reısi keıinge shegerildi. Sondaı-aq qazaqstandyq áýe kompanııasynyń paıdalanǵan óz azamattarymyz ben basqa jolaýshylarǵa qıyndyq keltirip otyr.
AirAstana kompanııasy 27 aqpan kúni ushýy tıis 168 jolaýshyny óz kúshimen qonaq úıge ornalastyryp, tamaq úlestirdi. Al 28 aqpanda olar basqa jol arqyly Qazaqstanǵa qaıtty.
– Elimizdiń dıplomattary qazaqstandyqtarǵa qandaı kómek kórsetti?
– Elshilikte jedel jumys toby qurylyp, 120 jolaýshyǵa keıingi ýaqytqa ne basqa áýe kompanııalaryna bılet áperildi. Al 18 azamatymyzdy elshiliktiń ǵımaratyna ýaqytsha ornalastyrdyq. Olardyń týystarymen baılanysyp, tamaq berildi. Erteńine qonaq úıge ornalastyrdyq.
Qazirgi tańda 304 jolaýshynyń máselesi áli kún tártibinde tur. Atap aıtar bolsaq, AirAstana kompanııasynyń 1 naýryzda Delı-Almaty baǵytyna bılet alǵan 170 adam bar.
Sondaı-aq elshilik táýlik boıy azamattarymyzǵa qoldaý kórsetýge ázir. Ol úshin +91 11 455 55 110 jáne +91 99 109 27 641 nómirlerine habarlasýǵa bolady.
– Qalǵan jolaýshylardy elge ákelý boıynsha qandaı sharalar jasalyp jatyr?
– AirAstana kompanııasynyń derekterine súıensek, áýe keńistigi ashylǵan jaǵdaıda qalǵan jolaýshylardy ákelý úshin qosymsha ushaq ákelý qarastyrylǵan. Osy oraıda mynany eskere ketken jón. Basqa bılet satyp alý da qıyndyq týǵyzady. О́ıtkeni kóptegen halyqaralyq avıakompanııa reısterin keıinge shegerip jatyr.
Biz oqıǵanyń qalaı órbıtinin baqylaımyz jáne azamattarymyzǵa kómek qolyn sozamyz. AirAstana kompanııasy óziniń ımıdjin saqtap qalý úshin klıentterine osyndaı qysyltaıań shaqta tamaqpen jáne jatyn orynmen qamtamasyz etedi dep oılaımyn.
– Úndistanda qansha Qazaqstan azamaty bar? Kashmırde she?
– Qazirgi tańda Úndistannyń konsýldyq esebinde Qazaqstannyń 15 azamaty tirkelgen. Aıta keterligi, Djammý men Kashmır aımaǵynda qazaqstandyq joq. Konsýldyq bólim esepte turǵan otandastarymyzdyń bárimen árdaıym habar alyp otyr. Sondaı-aq Djammý men Kashmır aımaǵyna barý úshin Úndistan Ishki ister mınıstrliginen arnaıy ruqsat alý qajet.
– Úndistanǵa barýdy josparlaǵan azamattarymyz neni eskerýi kerek?
– Úndistanǵa saparyn josparlaǵan qazaqstandyqtarǵa áýe keńistiginiń jabylǵanyn eskerýine keńes beremiz. Mundaı jaǵdaı áýe reısteriniń keıinge shegerilýine ákelip soǵýy múmkin.
Qaýipsizdikti qamtamasyz etý úshin Delıdegi Qazaqstan elshiligimen baılanys ornatyp, jaǵdaıdyń ózgerýine qatysty aqparat alyp otyrýǵa keńes beremiz.
– Suhbatyńyzǵa rahmet!
