Ekinshi jyl ótkizilgen pedagogıkalyq olımpıadaǵa óńir mektepteriniń 11 synyp túlekteri qatysty. Úmitkerlerdiń biri–Shal aqyn aýdanynan kelgen Jibek Ámirjanova bolashaq ómirin medısınamen baılanystyrmaq. Bıologııa-hımııa páni boıynsha testten múdirmeı ótipti. Onyń jazǵan essesi joǵary baǵalanyp, nátıjesinde osy konkýrsqa qatysýǵa joldama alypty.
Talapkerler birinshi kezeńde «Men ne úshin pedagog mamandyǵyn tańdaımyn?»degen taqyryp boıynsha esse jazsa, ekinshi kezeńde negizgi mamandyqtar sheńberinde shyǵarmashylyq tapsyrmalardy oryndady.
«Foundation» fakýltetiniń dekany Jumaǵalı Áshimovtyń aıtýynsha, 300-ge jýyq ótinim kelip túsken. Olardyń arasynan 200 oqýshynyń jumysy iriktelip alynǵan. Olımpıada qazirgi qoǵamdaǵy pedagog kásibiniń bedelin arttyrý, stýdentterdiń ıntellektýaldyq qarym-qabiletterin ashý, sondaı-aq orta jáne joǵary bilim berýdiń ózara árekettesý joldaryn keńeıtý maqsatyn dittegen.
Bilim saıysynyń qorytyndysy boıynsha 10 oqýshy M. Qozybaev atyndaǵy SQMÝ rektorynyń grantyna, 10 oqýshy 40 prosent, 10 oqýshy 20 prosent jeńildikpen bilim alý múmkindigine ıe boldy.
О́mir ESQALI,
«Egemen Qazaqstan»
Soltústik Qazaqstan oblysy
