Omby oblysynyń delegasııasynyń quramynda memlekettik organdar men bıznes-qurylymdardyń ókilderi bar. Qonaqtar Pavlodar oblysynyń aýyl sharýashylyq jáne ónerkásiptik kásiporyndaryn, onyń ishinde «Pahar» ShQ, «Neftehım LTD JShS-i, «Pavlodar» arnaıy ekonomıkalyq aımaǵyndaǵy zaýyttardy jáne basqa da nysandardy aralaıdy. Delegasııanyń resmı baǵdarlamasy boıynsha «Open Pavlodar» front-keńsesine, Nazarbaev zııatkerlik mektebine jáne Quqyq qorǵaý qyzmetteri ortalyǵyna barý kózdelip otyr.
Eki aımaqtyń basshylarynyń resmı kezdesýi «Qazaqstan elektrolız zaýyty» AQ-yń alańynda ótedi. Kezdesýdiń qorytyndysy boıynsha Bolat Baqaýov pen Aleksandr Býrkov Pavlodar men Omby arasyndaǵy áriptestikti damytýǵa baǵyttalǵan qujatqa qol qoıady.
Sonymen qatar osy kúni eki oblystyń kásipkerleriniń kezdesýleri ótedi. Pavlodar men Omby aımaqtary kásiporyndarynyń ókilderi aqparattyq tehnologııalar, elektr quraldaryn jasap shyǵarý, saýda jáne týrızm salasynda ózara memorandýmdar men kelisimderge qol qoıady.
