Muhıttyń arǵy jaǵyndaǵy marapat

Sársenbi, 1 aqpan 2012 8:15

Elimizdiń Syrtqy ister mınıstri Erjan Qazyhanovtyń AQSh-qa resmı sapary barysynda Táýelsizdiktiń 20 jyl­dy­ǵy­na baılanysty Qazaqstannyń AQSh-taǵy elshiliginde ame­rıkalyq áriptester memlekettik nagradalarmen ma­rapat­taldy.
Byltyrǵy jyly eki el ara­syn­da dıplomatııalyq qatynas­tar ornaǵanyna jıyrma jyl tol­dy. Osy ýaqyt ishindegi qos taraptyń qarym-qatynasyna resmı Vashıngton «mazmundy ári san qyrly naǵyz strategııalyq áriptes» degen baǵa berip, elimiz­diń Táýelsizdik merekesi toılanar tusta AQSh ákimshiligi Qazaq­stannyń úlken damý úderisine» toqtalyp, «strategııalyq árip­tes­tik­tiń tereńdeýi» jaıynda ha­lyq­aralyq qoǵamdastyqqa da, jalpyǵa da túsinikti «messedj» jibergen bolatyn.

Sársenbi, 1 aqpan 2012 8:15

Elimizdiń Syrtqy ister mınıstri Erjan Qazyhanovtyń AQSh-qa resmı sapary barysynda Táýelsizdiktiń 20 jyl­dy­ǵy­na baılanysty Qazaqstannyń AQSh-taǵy elshiliginde ame­rıkalyq áriptester memlekettik nagradalarmen ma­rapat­taldy.
Byltyrǵy jyly eki el ara­syn­da dıplomatııalyq qatynas­tar ornaǵanyna jıyrma jyl tol­dy. Osy ýaqyt ishindegi qos taraptyń qarym-qatynasyna resmı Vashıngton «mazmundy ári san qyrly naǵyz strategııalyq áriptes» degen baǵa berip, elimiz­diń Táýelsizdik merekesi toılanar tusta AQSh ákimshiligi Qazaq­stannyń úlken damý úderisine» toqtalyp, «strategııalyq árip­tes­tik­tiń tereńdeýi» jaıynda ha­lyq­aralyq qoǵamdastyqqa da, jalpyǵa da túsinikti «messedj» jibergen bolatyn. Prezıdent Oba­manyń Qazaqstan táýelsiz­di­gi­ne qatysty osyndaı iltıpa­ty­na jaýap bergendeı bizdiń el de muhıttyń arǵy jaǵynda jatyp-aq eki el arasyn jalǵaǵan ame­rıkalyq áriptesterdiń eńbegin baǵalap, olardy nagradalarmen marapattaýdy jón sa­nap­ty.

Eki el arasyndaǵy baıla­nys­­tar­dyń tıimdiligine, árıne, memleket basshylarynyń ara­syn­­da­ǵy jeke kezdesýlerdiń ser­pin ber­geni anyq. Atap aıt­qanda, 2010 jyldyń sáýirinde Vashın­gtondaǵy «Obama – Nazarbaev» kelisimi jáne osydan keıingi áńgimelesýler óz úlesin qosty. Máselen, ótken jyly AQSh Prezıdenti Barak Oba­ma­nyń bas­ta­masymen sáýir aıyn­da telefon arqyly ótken áńgi­mede eki el ara­syndaǵy qarym-qatynas­tar­dyń basym baǵyt­ta­ry sóz boldy. Memleket bas­shy­lary aımaqtyq qaýipsizdik, Aýǵanstan, ıadrolyq qarýdy taratpaý, bizdiń elimizdiń IYU-ǵa tóraǵalyǵy jáne Qazaqstannyń áleýmettik-ekonomıkalyq, saıası damýy turǵysynda maz­mun­dy pikir almasty. Jáne de Aq úıdiń Qazaqstannyń ıadrolyq qarýdy taratpaýdaǵy kóshbas­shy­lyǵyn ótken jyly álde­neshe málimdegeni kópshilikke belgili.
30 qańtar. Vashıngton ýaqy­tymen saǵat 19.00. Vashıng­tondaǵy Qazaqstan Elshiligi ǵımaratyndaǵy qabyldaý. El­shi­likke kelgen qonaqtar arasynan bizdiń elimizge saparlap kelip qaıtqan Robert Bleık, Karlos Gýtıerres, Denıel Poneman, Marta Olkott syndy saıasatkerler kózge shalynady.
Qabyldaýdy ashyp, meıman­darǵa qosh keldińizder degen Qazaqstannyń AQSh-taǵy Tó­ten­she jáne ókiletti elshisi Erlan Ydyrysov sózdi Syrtqy ister mınıstri Erjan Qazy­hanovqa usyndy.
– Biz sizderdiń eki el ara­syndaǵy strategııalyq áriptes­tikti damytýǵa qosqan úleste­rińizdi joǵary baǵalaımyz, – dep bastaǵan sózin mınıstr ári qaraı qabyldaýǵa shaqyrylǵan qonaq­tarǵa memlekettik nagradalar tabys etiletinin aıtqan. «Sizder bizdiń elimizdiń qalyptasý keze­ńinde qasymyzdan tabyldy­ńyz­dar. Jaqynda ǵana Qazaqstan kóp partııaly Parlamentin saılady. Bul elimizdiń durys ba­ǵytta damýyndaǵy mańyzdy qadam boldy, demokratııa órken­deýiniń kókjıegin keńeıtti, ári onyń ekonomıkalyq úderisterge tıgizetin úlken yqpaly bolady dep senemiz. Parlament – búginde el úshin mańyzdy sheshimder qabyldaýda basty oıynshynyń biri. Al sizder tárizdi dostardyń qoldaýynyń nátıjesinde Qazaq­stan búginde aımaqtaǵy tabysty eldiń qatarynda bolsa, al álemde ıadrolyq qarýǵa qarsy, ony taratpaý jóninde kóshbas­shylyqta tur. Bizdiń elimiz osy 20 jyldyń ishinde úlken ta­bystarǵa jetti. Ol Prezıdent Nursultan Nazarbaevtyń alda­ǵyny kóre biletindiginiń arqa­synda, onyń kópvektorly saıasat ustanýynyń nátıjesinde múm­kin boldy», – dedi E.Qazyhanov óziniń sózinde.
«Dostyq» ordenimen senatorlar Charlz Heıgl, Darrell Aısa marapattalsa, 16 amerıkalyq «Qazaqstan Táýelsizdigine – 20 jyl» mereıtoılyq medal­de­riniń ıesi atandy.
AQSh Memlekettiń depar­tamentindegi laýazymdardyń jó­ni bizderden ózgeshe ekeni belgili. Ondaǵy Memhatshynyń Ońtús­tik jáne Ortalyq Azııa boıynsha kómekshisi degen, bizshe aıt­qanda, mınıstrdiń orynbasary. Marapattalǵandar orden-me­dal­derin ıelengen soń joǵa­ryda aıtylǵan Mem­hatshy­nyń Ońtústik jáne Ortalyq Azııa boıynsha kómekshisi Robert Bleık sóz aldy. «Búgin Qazaq­stan elshiligindegi osyndaı qa­byldaýǵa kýá bolǵanyma qýa­nyshtymyn. Bizdiń elimiz Qazaq­stannyń táýelsizdigin alǵashqy bolyp tanyǵan elder qatarynda tur. Qazirgi kúni eki el ara­syndaǵy baılanystar óte jo­ǵary deńgeıde damyp keledi. Qazaqstan AQSh-tyń ıadrolyq qarýdy taratpaýdaǵy óte myqty áriptesi, sondyqtan da Prezıdent Barak Obama Seýldegi ıadro­lyq qaýipsizdik jónindegi sammıtte Prezıdent Nursultan Nazar­baevpen kezdesýdi kútedi», dedi.
Marapattalǵandardyń ishinde NASA-nyń ǵaryshkerlermen ushy­rylatyn kemeleri boıynsha tapsyrysyn oryndaýshy qazaq jigiti Darhan Nur­maǵam­betov te bar eken. Baýyrymyz osydan 12 jyl buryn Amerı­kaǵa qonys aýdaryp, AQSh-tyń ǵarysh salasynyń damýyna óz úlesin qosyp júrse kerek. Múmkin­dikti paıdalanyp, Darhandy sózge tarttyq. «Qazaq­stan­nyń qazir ǵaryshkerlermen keme ushyratyn jobalary joq. Al munda meniń jumysyma qyzy­ǵýshylyq ta, suranys ta mol. Saǵynyp ketken kezimde elge baryp, anamnyń qasynda aý­nap-qýnap qaıtamyn», dedi ol (Darhan baýyrmen bolǵan to­lyq áńgime aldaǵy nómir­lerdiń birinde jaryq kóredi).
Al 31 qańtarda Pentagonǵa jaqyn ornalasqan «Rits Carlton» otelinde «Qazaqstan Táýelsiz­diginiń 20 jyldyǵy jáne qazaq-amerıkan dıploma­tııalyq qatynastaryna – 20 jyl» atty konferensııa ótti. Ol jaıynda gazetimizdiń al­daǵy nómirinde jazatyn bolamyz.
Anar TО́LEÝHANQYZY, «Egemen Qazaqstan» – Vashıngtonnan.