Sharaına
Sársenbi, 23 mamyr 2012 7:09
KELISSО́ZDERDE ILGERILEÝShILIK BAR
MAGATE basshysy Iýkııa Amano Irannyń ıadrolyq nysandarynınspeksııalaý jóninde Tegeranmen kelisimge kelgenin habarlady.
Onyń aıtýynsha, tıisti qujatqa taıaý ýaqyttarda qol qoıylatyn bolady. Sonymen birge, ol keıbir jáıtterge qatysty jumys júrgizýge týra keletinin, biraq olardyń prınsıpti emes ekenin aıtqan. Halyqaralyq sarapshylardyń paıymdaýynsha, MAGATE men Iran arasyndaǵy kelissózderde progreske qol jetkizý 23 mamyrda Baǵdadta ótetin Iran delegasııasynyń «5 plıýs 1» toby ókilderimen kezdesýine oń áserin tıgizbek.
Sársenbi, 23 mamyr 2012 7:09
KELISSО́ZDERDE ILGERILEÝShILIK BAR
MAGATE basshysy Iýkııa Amano Irannyń ıadrolyq nysandarynınspeksııalaý jóninde Tegeranmen kelisimge kelgenin habarlady.
Onyń aıtýynsha, tıisti qujatqa taıaý ýaqyttarda qol qoıylatyn bolady. Sonymen birge, ol keıbir jáıtterge qatysty jumys júrgizýge týra keletinin, biraq olardyń prınsıpti emes ekenin aıtqan. Halyqaralyq sarapshylardyń paıymdaýynsha, MAGATE men Iran arasyndaǵy kelissózderde progreske qol jetkizý 23 mamyrda Baǵdadta ótetin Iran delegasııasynyń «5 plıýs 1» toby ókilderimen kezdesýine oń áserin tıgizbek.
GRÝZIIа NATO-ǵa QAShAN О́TEDI?
Grýzııa prezıdenti Mıhaıl Saakashvılı óz eliniń 2014 jyly NATO-ǵa múshelikke ótetinine senimdi.
Ol Chıkagoda ótken NATO sammıtinde osyndaı málimdeme jasaǵan. Boljam boıynsha kelesi sammıt 2014 jyly ótedi, osy oraıda Grýzııanyń úsh Balkan elimen birge alıanstyń tolyq quqyly múshesi bolý múmkindigi zor dep atap kórsetken ol. Chıkagodaǵy sammıtte qabyldanǵan deklarasııada Grýzııanyń «alıanstyń aspıranty» bolyp tabylatyny, onyń mindetti túrde uıymǵa múshelikke ótetini atap kórsetilgen.
ÁSKERI sherý О́TPEITIN BOLDY
Iemenniń astanasy – Sanada eldiń birigýiniń jyldyǵyna arnalyp ótýge tıis áskerı sherýden bas tartýǵa týra keldi.
Oǵan onyń aldynda oryn alǵan terrorlyq akt sebep bolǵan. Degenmen, el astanasynda saltanatty is-sharalar sımvoldyq túrde ótetin kórinedi. Saltanatty is-sharaǵa el prezıdenti Abd Rabbo Hadı qatysatyn bolady. Osy oraıda Sanada áskerı kıim kıgen jankeshti terrorshynyń áskerı qyzmetshiler kolonasyna ótip ketip, eldiń ortalyq qaýipsizdik kúshteriniń shtab-páteri aldynda ózin jaryp jibergenin aıta ketý qajet.
EŃ BIIK TELEMUNARA AShYLDY
Tokıoda álemdegi eń bıik kommýnıkasııalyq ǵımarat bolyp tabylatyn telemunara saltanatty túrde ashyldy.
Munaranyń bıiktigi 634 metrdi quraıdy. Alǵashqy kúni ony kórýge shamamen 200 myń adam keledi dep kútilýde. Telemunarada eki baqylaý alańqaıy ornalasqan. Restorandar men ofıstik oryn-jaılar da osynda oryn tebetin bolady. Shynydan jasalǵan eden munara astynda birneshe júzdegen metr jerdegilerdiń bárin de kórýge múmkindik beredi eken.
LIVANDAǴY AHÝALǴA ALAŃDAÝLY
BUU Bas hatshysy Pan Gı Mýn Lıvandaǵy ahýaldyń nasharlaı túsýi múmkin ekendigin eskertti.
Atap aıtqanda, Pan Gı Mýn Sırııamen kórshiles Lıvandaǵy jaǵdaıdyń shıelenise túsýine alańdaýly. Qazirdiń ózinde elde Sırııa prezıdenti Bashar Asadty jaqtaýshylar men oǵan qarsylastar arasynda birneshe qaqtyǵystar boldy. Jaqynda Lıvannyń taýly aýdany Akkardaǵy áskerı blokpostylardyń birinde oryn alǵan oqıǵa saldarynan sýnıttik dinı qaıratker men onyń kómekshisi qaza taýyp, bir áskerı qyzmetshi jaraqat aldy.
ÚNDISTANDAǴY TEMIR JOL APATY
Úndistannyń ońtústik-shyǵysynda iri temir jol apaty oryn aldy.
Andhra-Pradesh shtatyndaǵy Anantapýr okrýginde jolaýshylar poıyzy júk poıyzymen soqtyǵysqan. Tótenshe jaǵdaı saldarynan 25 adam qaza taýyp, 50-den astam adam zardap shekken kórinedi. Qaza tapqandardyń arasynda áıelder men balalar da bar. Qazir apat ornynda qutqarýshylar jumys isteýde. Keıbir málimetterge qaraǵanda, qurban bolǵandar sanynyń óse túsýi de múmkin.
JURTTY ÁÝREGE SALǴAN UShQYSh
Izraıldiń soltústik-shyǵysyndaǵy Tverııa qalasynda qorqynyshty ári aıryqsha oqıǵa bolǵan.
21 mamyr kúni qutqarýshylar atalǵan orynda jeńil motorly ushaqtyń apatqa ushyraǵany týraly habar alady. Keıin ushaqtyń aman qalǵany, onyń óz erkimen saýda kesheni janyna kelip qonǵany belgili bolady. Áýelde polısııa áýe kemesi májbúrli túrde qondy dep málimdegen. Sóıtse, ushqyshtyń aıtýynsha eshqandaı aqaý bolmaǵan. Ol bar bolǵany demalyp jáne bir sháshke kofe ishý úshin ǵana qonǵan kórinedi.
BOLGARIIаDAǴY JER SILKINISI
Bolgarııanyń astanasy Sofııaǵa taıaý jerde 5,6 baldyq jer silkinisi boldy.
Jergilikti ýaqyt boıynsha 03:00 mınýtta bastalǵan jer asty dúmpýleri búkil el boıynsha sezilgen kórinedi. AQSh-tyń geologııalyq qyzmetiniń habarlaýynsha, zilzalanyń epısentri Sofııadan batysqa qaraı 24 shaqyrym jerde bolǵan. Qurban bolǵandar men zardap shekkender týral ázirge málimetter joq. Kóptegen qala turǵyndary óz úılerine barýdan qorqyp, kóshelerde júrgen kórinedi.
Internet materıaldary negizinde ázirlendi.
