Sharaına
Beısenbi, 14 maýsym 2012 7:20
Iraktaǵy jarylys
Iraktyń ońtústigindegi El-Hılla qalasynda mınalanǵan ekiavtomobıldiń jarylýynan on adam qaza tapqan.
Jarylys Baǵdadtan 100 shaqyrym ońtústikke qaraı ornalasqan qalanyń meıramhanalarynyń biriniń janynda oryn alǵan. Quqyq qorǵaý organdary qyzmetkerleriniń habarlaýynsha, 10 adam qaza taýyp, 30-dan astam adam zardap shekken. Qazirgi ýaqytta oqıǵa jaǵdaıy anyqtalyp, qaza bolǵandar men zardap shekkender týraly málimetter naqtylanýda.
Beısenbi, 14 maýsym 2012 7:20
Iraktaǵy jarylys
Iraktyń ońtústigindegi El-Hılla qalasynda mınalanǵan ekiavtomobıldiń jarylýynan on adam qaza tapqan.
Jarylys Baǵdadtan 100 shaqyrym ońtústikke qaraı ornalasqan qalanyń meıramhanalarynyń biriniń janynda oryn alǵan. Quqyq qorǵaý organdary qyzmetkerleriniń habarlaýynsha, 10 adam qaza taýyp, 30-dan astam adam zardap shekken. Qazirgi ýaqytta oqıǵa jaǵdaıy anyqtalyp, qaza bolǵandar men zardap shekkender týraly málimetter naqtylanýda.
О́ldi degenderi tiri bolyp shyqty
Ál-Kadanyń ekinshi adamy sanalatyn, ótken aptada óldi dep habarlanǵan Ábý Iаhı ál-Lıbı beıneúndeý jazyp joldaǵan.
Beınerolık ıslamdyq saıttardyń birinde jarııalanǵan kórinedi. Ál-Lıbı radıkal ıslamısterdi Sırııa úkimetine qarsy soǵys ashyp jatqan qarýly qurylymdarǵa qoldaý kórsetýge shaqyrǵan. Biz Irandaǵy, Iordanııadaǵy jáne Túrkııadaǵy óz baýyrlarymyzdy Sırııadaǵy baýyrlarymyzǵa kómek kórsetýge shaqyramyz delingen úndeýde. Terrorshylardyń rýhanı kósemi sanalatyn Ábý Iаhı ál-Lıbı 2005 jyly Aýǵanstandaǵy amerıka túrmesinen qashyp shyqqan bolatyn.
Sırııadaǵy jaǵdaı ýshyǵyp tur
Sırııada bolyp jatqan oqıǵalardy tolyq senimmen azamat soǵysy depaıtýǵa bolady.
BUU Bas hatshysynyń bitimgershilik operasııalar jónindegi kómekshisi Erve Ladsýs osylaı dep málimdegen. Onyń aıtýynsha, sońǵy ýaqyttary Sırııada oryn alǵan keń aýqymdy zorlyq-zombylyq oqıǵalary daý-janjal tabıǵatynyń ózgergendigin kórsetedi. Ál-Heff qalasyna bara jatqan BUU baıqaýshylaryn ashýly top qorshaýǵa alyp, olardy ári qaraı jibermeı qoıǵan. Sondaı-aq adamdar BUU mashınalaryna tas pen temir-tersek laqtyrǵan. Sonyń saldarynan baıqaýshylar keri qaıtýǵa májbúr bolǵan kórinedi.
Atomdy súńgýir qaıyq jobalanýda
Iran atomdy súńgýir qaıyǵyn jobalaý jumystaryn bastady.
Ázirge jobanyń júzege asýy «alǵashqy qadamdar» satysynda tur, dep málimdegen eldiń áskerı-teńiz kúshteri komandashylarynyń biri admıral Abbas Zamını. Onyń aıtýynsha, barlyq elderdiń de atom tehnologııalaryn beıbit maqsatta paıdalanýǵa quqylary bar. Ol Iranǵa atom qozǵaltqyshy bar súńgýir qaıyqtar alys qashyqtyqtarǵa arnalǵan mıssııalarǵa qatysý úshin kerek ekenin atap kórsetken.
Qyzyl krest ofısine shabýyl
Halyqaralyq Qyzyl krest komıteti uıymnyń Lıvııanyń Mısrat qalasyndaǵy ofısinde jarylys bolǵanyn habarlaǵan.
Jarylys saldarynan bir adam zardap shegip, ǵımaratqa eleýli shyǵyn kelgen. Bul Lıvııadaǵy halyqaralyq mıssııaǵa jasalyp otyrǵan ekinshi shabýyl. 11 maýsymda Bengazı qalasynda qarýlanǵan top quramynda brıtan dıplomattary bar avtokolonnaǵa shabýyl jasaǵan bolatyn. Osy oraıda azamat soǵysy aıaqtalyp, Mýammar Kaddafı taqtan taıdyrylǵannan keıin elde qalǵan kóptegen qarýly toptardyń ortalyq bılikke baǵynbaı otyrǵanyn aıta ketý qajet.
Musylman áıelderin elge ótkizbedi
Katardan Fransııaǵa ushyp kelgen Saýd Arabııasynyń úsh azamatshasyna paranjany sheshýge kelispegeni úshin elge kirýge tyıym salǵan.
Oqıǵa Parıjdiń Sharl de Goll atyndaǵy áýejaıynda oryn alǵan kórinedi. Shekara polısııasynyń qyzmetkeri áıelderden paranjany sheshýdi talap etken, al analar bolsa, bas tartqan. Sonyń saldarynan áıelderdiń Fransııaǵa kirýine tyıym salynyp, saýdııalyqtarǵa Katarǵa keıin qaıtýǵa týra kelgen.
Uıym tóraǵasy Tbılısıge keldi
Irlandııanyń vıse-premeri, syrtqy ister jáne saýda mınıstri Imon Gılmor EQYU tóraǵasy retinde Tbılısıge saparmen keldi.
EQYU tóraǵasy Grýzııa syrtqy ister mınıstri Grıgol Vashadzemen kezdesip, keń aýqymdy máselelerdi talqylaǵan. Vashadzeniń kezdesýden keıin aıtýyna qaraǵanda, olar óńirdegi ahýal, grýzın-reseı qarym-qatynastarynyń jaǵdaıy týraly áńgimelesken. Taraptar Grýzııa men Irlandııa arasyndaǵy ekijaqty qarym-qatynastardy odan ári tereńdete túsý múmkindikterin, sol sııaqty Grýzııanyń janjaldy óńirlerinde qalyptasqan jaǵdaıdy talqylaǵan.
Halyqaralyq ahýal talqylandy
Reseı syrtqy ister mınıstri Sergeı Lavrov jumys saparymen Iranǵa keldi.
Ol munda Taıaý Shyǵys pen Soltústik Afrıkadaǵy, sonyń ishinde Sırııadaǵy jaǵdaıdy, sol sııaqty Irannyń ıadrolyq problemasyn talqylamaq. Reseı syrtqy saıasat vedomstvosynyń atap kórsetýinshe, Iranda Reseıdiń Sırııa jóninde halyqaralyq konferensııa ótkizý týraly bastamasy da talqylanǵan kórinedi. Irannyń qatysýynsyz Sırııa baǵytyna syndarly yqpal etý múmkindigi tolyq dárejede júzege asa almaıdy dep málimdegen Reseı syrtqy ister mınıstrligi.
Internet materıaldary negizinde ázirlendi.
