Sharaına
Sársenbi, 15 tamyz 2012 7:33
Breıvıkti bosatýdy talap etti
Norvegııalyq saıasatkerler men gazet redaktorlary «Tamplıer ordenibasshysynyń orynbasary» qol qoıǵan terrorızm úshin aıyptalǵanAnders Breıvıkti aqtap, bosatý jóninde qorqytyp talap qoıylǵan hatalǵan.
«Bizdiń komendanteni aqtaýdy jáne onyń is-áreketin osy soǵystaǵy qajettilik prınsıpi dep moıyndaýdy talap etemiz», delingen hatta. Sońynda avtor óz joldaýyn «eskertý» dep atap, Breıvıktiń qolǵa túskennen keıin sotta alǵa tartqan talaptaryna óte uqsas talaptar qoıady. Avtor bul talaptar oryndalmaǵan jaǵdaıda eldegi «qoǵamnyń betke ustar tobyn» qurtyp jiberetinin aıtyp qorqytady.
Sársenbi, 15 tamyz 2012 7:33
Breıvıkti bosatýdy talap etti
Norvegııalyq saıasatkerler men gazet redaktorlary «Tamplıer ordenibasshysynyń orynbasary» qol qoıǵan terrorızm úshin aıyptalǵanAnders Breıvıkti aqtap, bosatý jóninde qorqytyp talap qoıylǵan hatalǵan.
«Bizdiń komendanteni aqtaýdy jáne onyń is-áreketin osy soǵystaǵy qajettilik prınsıpi dep moıyndaýdy talap etemiz», delingen hatta. Sońynda avtor óz joldaýyn «eskertý» dep atap, Breıvıktiń qolǵa túskennen keıin sotta alǵa tartqan talaptaryna óte uqsas talaptar qoıady. Avtor bul talaptar oryndalmaǵan jaǵdaıda eldegi «qoǵamnyń betke ustar tobyn» qurtyp jiberetinin aıtyp qorqytady.
Kúrd sodyrlary belsendi áreketke kóshýde
Batystyń Bashar Asadqa qarsy jarııalanbaǵan soǵysyna belsendiatsalysý Túrkııany eń bir teris zardaptarǵa aparyp soqtyrýy múmkin.
Kúrdterdiń separatıstik aýdanyndaǵy áskerdiń Aleppo aýdanyna qaraı shoǵyrlanýy Kúrd jumysshy partııasy sodyrlarynyń belsendiligin arttyra túsken. Túrkııanyń 1984 jyldan beri óziniń ońtústik-shyǵys shekaralarynda táýelsizdik úshin kúresken kúrdtermen aıaýsyz urys júrgizip kele jatqany belgili. Endi mine, sońǵy kúnderdegi oqıǵalarǵa baılanysty jańa soǵys órtiniń tutaný qaýpi týyndap otyr. «Biz terrorlyq toptardyń Sırııanyń soltústiginde bekinýine jáne Túrkııaǵa qater tóndirýine jol bermeımiz», dep atap kórsetken Túrkııa premer-mınıstri Redjep Taııp Erdoǵan.
Pákstan tálipterge qarsy operasııany bastamaq
Pákstan armııasy taıaýda Aýǵanstanmen shekaradaǵy Taıpalar aýmaǵynda jasyrynyp júrgen «Talıban» qozǵalysynyń sodyrlaryna qarsy operasııany bastamaq.
Bul týraly Pentagon basshysy Leon Panetta málimdegen. Ol pákstandyq jaıaý áskerler bas qolbasshysy general Ashfak Pervez Kaıanıdiń osy operasııany Aýǵanstandaǵy amerıkalyq kúshterdiń qolbasshysy Djon Allenmen talqylaǵanyn atap kórsetken. Sonymen birge tamyzdyń basynda AQSh-tyń Pákstanǵa qoldaý kórsetý úshin Koalısııalyq qordan 1,1 mıllıard dollar qarjy bólgeni de belgili bolyp otyr.
Zilzala qurbandarynyń sany 300-ge jetti
Iranda oryn alǵan alapat zilzala saldarynan qaza tapqandar sany 306 adamǵa jetip otyr.
Eldiń densaýlyq saqtaý mınıstrliginiń habarlaýynsha, qurban bolǵandardyń naqty sany týraly aıtýǵa áli erterek, óıtkeni qutqarýshylar izdestirý jumystaryn júrgizýde. Kóptegen qaza bolǵandar úıindiler astynda qalǵan kórinedi. Munyń syrtynda 3 myńnan astam adamnyń túrli dárejedegi dene jaraqattaryn alǵany da belgili bolyp otyr. Jergilikti aýrýhanalar shuǵyl medısınalyq kómekti qajet etetin adamdarǵa járdem kórsetip úlgere almaýda. Sol sııaqty dári-dármek jetimsizdigi de aıqyn sezilip otyr.
Áıelder úshin qala turǵyzbaq
Saýd Arabııasy ókimeti sharıǵattyń qatań zańdary men áıel turǵyndardyń karera jasaýǵa degen umtylysy ózara úılesim tabatyn ındýstrııalyq qala turǵyzbaq nıette.
Eldiń mýnısıpalıtet jáne aýyl sharýashylyǵy isteri jónindegi mınıstri bul sheshimge qoldaý bildirdi jáne sheneýnikter bolashaq qalanyń dızaınyn ázirleýde. 2013 jyly qurylys kompanııalary arasynda tender ótpekshi. Jańadan turǵyzylatyn qalada áıelder ıelik etetin óndiris oryndary men názik jandylar úshin ónimder shyǵaratyn fabrıkalar ornalastyrylatyn bolady.
Bas hatshy Sırııadaǵy mıssııa mindetin ózgertpek
BUU Bas hatshysy Pan Gı Mýn BUU Qaýipsizdik Keńesine Sırııadaǵy halyqaralyq baqylaýshylar mıssııasyn gýmanıtarlyq qyzmetkerler jáne kelissóz júrgizýshiler mıssııasyna almastyrýdy usyndy.
BUU Sırııa halqyna osynaý oryn alǵan daǵdarysqa núkte qoıý úshin qajetti kómek kórsetýdi toqtata almaıdy, sondyqtan qalyptasqan ahýalǵa qaraı beıimdelý qajet, dep atap kórsetilgen baıandamada. Buǵan deıin BUU-daǵy AQSh ókili Sıýzan Raıs Sırııada qazirgi kezde BUU mıssııasynyń mandatyn odan ári sozýǵa keletindeı jaǵdaı joq dep málimdegen bolatyn. Aıta ketý kerek, mıssııa mandatynyń merzimi 19 tamyzda aıaqtalýy tıis.
Rım Papasynyń kamerdıneri sotqa tartyldy
Aqparattyń tarap ketýine kúdikti dep tanylǵan Rım Papasynyń kamerdıneri Paolo Gabrıele aýyr jaǵdaılarda urlyq jasady degen aıyppen sot aldynda jaýap bermek.
Gabrıelemen birge onyń sybaılasy Vatıkanda jumys istegen kompıýter sarapshysy Klaýdıo Sharpelettı de sotqa tartylmaq. Aıta ketý kerek, Rım Papasynyń qyzmetkeri katolık shirkeýiniń basshylyǵyna qatysy bar qupııa qujattardyń óz úıinen tabylýyna baılanysty 23 mamyr kúni tutqynǵa alynǵan bolatyn.
Internet materıaldary negizinde ázirlendi.
