«Elimizde qaryzdyq eńbekti qoldaný tájirıbesi jumysshylardyń eńbek quqyǵynyń buzylýyna jáne eńbekkerlerdiń narazylyǵynyń týyndaýyna ákep soqtyrady.
Taıaýda Parlament Májilisiniń bir top depýtaty qaryzdyq eńbekti retteý jóninde zań jobasyn ázirleý týraly bastama kóterdi. Bul joba eńbekkerlerdi tolǵandyryp otyrǵan naqty máselelerdi sheshýge baǵyttalǵan. Soǵan oraı, Úkimetten bastamany qoldaýdy, sonymen qatar jumysshylardyń áleýmettik-eńbek quqyǵyn shekteıtin zańnama aktilerine moratorıı engizý múmkindigin qarastyrýǵa suraımyz», dedi B.Ábdiraıym.
Onyń aıtýynsha, halyqty jumyspen qamtýda osy atalǵan nysanǵa zańnamalyq retteý normalarynyń joqtyǵy kedergi jasap otyr. Sondaı-aq Kásipodaqtar federasııasynyń tóraǵasy halyqaralyq eńbek uıymynyń deregi boıynsha, álemde óndiristik jaraqattaný - júrek aýrýy men onkologııadan keıingi úshinshi orynda turǵanyn jetkizdi.
«Bizdiń elde óndiristik jaraqattaný deńgeıi birshama tómendegenine qaramastan, eńbek qaýipsizdigi boıynsha jaǵdaı kúrdeli kúıinde qalyp otyr. Resmı derek boıynsha 2018 jyly ǵana 1568 adam óndiriste jaraqat alǵan. Onyń 300-ge jýyǵy – áıelder. Jyl saıyn 200-den astam adam mert bolady», dedi B.Ábdiraıym.
Osyǵan baılanysty B.Ábdiraıym Eńbek mınıstrligi usynǵan sharalardy qoldaýdy jáne eńbek qaýipsizdigin jaqsy qamtamasyz etken kásiporyndardy yntalandyrý joldaryn ázirleýdi usyndy.
«Osy baǵytta Ekonomıkalyq yntymaqtastyq uıymyna (OESR) múshe - damyǵan memleketter qoldanyp otyrǵan «Vision Zero» – «nóldik jaraqattanýshylyq» tájirıbesin zerdelep, qoldanysqa engizý qajet», dedi ol.
