Joldar: Derek pen dáıek

Memleket basshysynyń tap­syr­masymen belgilengen “Jol kartasy” baǵdarlamasy aıasynda óńirde álemdik daǵdarystyń sal­qynyn sezdirmeý maqsatyndaǵy keshendi sharalar qolǵa alynyp, damýdyń jańa satysyna baǵyt túzelgenin aıtýǵa bolady. Sonyń biri óńirdegi kóp jyldan beri kóńil bólinbegen avtokólik jol­dary qalpyna keltirilip, jol qaýipsizdigi sharalarynyń aldyn alýǵa baǵyttalǵan jumystardyń tııanaǵy keltirilgendigi. Baǵdarlama aıasynda ótken jyly jalpy paıdalanymdaǵy avtokólik joldaryn jóndeý men ustaýǵa 10 mlrd. teńge jumsalyp, barlyǵy 478 shaqyrym, ıaǵnı 1 mln. 214,5 myń sharshy metr jol qalpyna keltirilipti. Olardyń qatarynda Tekeli, Jambyl, Qaratal, Sarqan, Talǵar, taǵy basqa aýdandardaǵy alys eldi mekender arasyndaǵy joldardyń jóndelgenin aıtýǵa bolady.

Kúmisjan BAIJAN,Almaty oblysy.

2 810 000 000 Taraz qalasyndaǵy 76 nysanǵa “Jol kartasy” sheńberinde osynshama teńge bólindi. Bıyl “Jol kartasy” sheń­be­rinde Taraz qalasyndaǵy 76 ny­sanǵa 2 mıllıard 810 mıllıon teńge bólindi. Onyń ishinde ın­je­nerlik-kommýnıkasııalyq júıeni damytýǵa 1 mıllıard 429 mıllıon 650 myń teńge, “Jeńis” saıabaǵyn kóriktendirý men kógaldandyrýǵa 101 mıllıon teńge, qalanyń 44 kóshesiniń jol ótetin bóligin qaıta jańǵyrtýǵa 699 mıllıon 924 myń teńge qa­raldy. Al №№ 13, 49 mektepter men erekshe kútimdi qajet etetin balalar men jasóspirimderdiń mektep-ınternatyn jóndeýge 99 mıllıon 375 myń teńge jum­sal­maqshy. Sondaı-aq, 7 aýrýhana men 2 emhananyń jóndeý jumy­syna 430 mıllıon 53 myń teńge bólindi. Oblystyq tarıhı-ólketaný murajaıyn jóndeýge 50 mıllıon teńge qaralyp otyr.

Kósemáli SÁTTIBAIULY, Jambyl oblysy.

123 000 000 Aqtóbe qalasyndaǵy Áýe qalashyǵy shaǵyn aýdanynda paıdalanýǵa berilgen jańa emhanaǵa ákelingen kompıýterlik tomografııa osynshama teńgege satyp alynǵan.  Amerıkalyq “RILIPS” kom­pa­nııasy shyǵarǵan bul appa­rat­tyń artyqshylyǵy kóp. Qazir qa­lada jumys isteıtin tórt kom­pıý­terlik tomografııanyń múm­kindigi ár túrli. Jańa ap­pa­rat rentgen sáýlesimen jumys isteıdi. Buǵan deıingi tomografııa adam aǵzasyn alty keskinde tek­serse, bul apparat ony on alty bólip, aǵzanyń ár mıllımetriniń keskinin kompıýterden kórsete alady. Jańa kompıýterlik tomo­gra­fııa­da Máskeý qalasyndaǵy em­ha­nalardyń birinde bilimin je­tildirip kelgen bilikti dárigerler jumys isteıdi. Búgingi tańda em­hana osy zamanǵa saı barlyq qa­jetti medısınalyq qondyr­ǵy­larmen jaraqtandyrylǵan. Jumysyn jańa bastap jatqan emhanada eńbek etetin densaýlyq saqtaý salasynyń 286 qyzmetkeri osy aýdandaǵy 10 myń turǵynǵa medısınalyq qyzmet kórsetedi.

Satybaldy SÁÝIRBAI, Aqtóbe oblysy.