Sharaına
Senbi, 22 qyrkúıek 2012 7:01
33 myń áskerin shyǵardy
AQSh Aýǵanstanǵa 2009 jyly engizgen 33 myń adamnan turatyn áskerı quramasyn elden shyǵardy. «Assosheıted press» agenttiginiń habarlaýynsha, Aýǵanstan aýmaǵynda jalpy sany 68 myń áskerı qyzmetshi qalyp otyr.
Senbi, 22 qyrkúıek 2012 7:01
33 myń áskerin shyǵardy
AQSh Aýǵanstanǵa 2009 jyly engizgen 33 myń adamnan turatyn áskerı quramasyn elden shyǵardy. «Assosheıted press» agenttiginiń habarlaýynsha, Aýǵanstan aýmaǵynda jalpy sany 68 myń áskerı qyzmetshi qalyp otyr.
Jospar boıynsha AQSh pen NATO-nyń áskerı kúshteri Aýǵanstannan 2014 jyldyń sońyna deıin tolyq shyǵarylýy tıis. Al atalǵan 33 myń áskerı qyzmetshini el aýmaǵynan alyp ketý birneshe aıǵa sozyldy. Degenmen, aýǵandyq áskerılerge eldiń qaýipsizdigin qamtamasyz etýdi basy bútin ótkizip berý máselesi josparlanǵan merzimnen ári qaraı sozylýy da múmkin. Buǵan aýǵandyq áskerıler men polıseılerdiń sońǵy kezde NATO áskerılerine jıi shabýyl jasaýy sebep bolyp otyrǵan sekildi. Osy jyldyń basynan beri Aýǵanstanda NATO-nyń 250 áskerı qyzmetkeri qaza tapqan. Olardyń kópshiligi – amerıkalyqtar.
Turǵyndardyń úreıin basý úshin
Mehıkonyń mańyndaǵy Nesaýalkoıotl qalasyna áskerıler men federaldyq polısııanyń kúshteri engizildi. «Reıter» agenttiginiń aqparattaryna qaraǵanda, engizilgen áskerılerdiń sany 700-den asady.
Oǵan Mehıko shtaty kongresiniń múshesi Haıme Serrano Sedılonyń óltirilýi sebep bolǵan. Ony qala kósheleriniń birinde belgisiz bireýler pyshaqtap ketken. Qylmysty kimder jasaǵany, onyń sebep-saldary belgisiz bolyp otyr. Shtattaǵy qaýipsizdik departamenti ókiliniń túsindirýinshe, qalaǵa áskerılerdiń kirgizilýi turǵyndardy úreılendirmeýge jáne olardyń qaýipsizdigin qamtamasyz etýge baılanysty. О́ıtkeni, kongressmen óltirilgennen keıin qalada bir-birine qarsy bandalardyń ózara esep aıyrysatyny jóninde ósek-aıań taraǵan. Sonyń saldarynan mádenıet jáne saýda oryndary jabylyp, adamdar kóshege shyǵýdan qoryqqan.
Azamat soǵysynyń saldary
Sırııa bıligi Aleppo qalasynda 100-den astam aýǵandyq terrorshynyń kózi joıylǵanyn málimdedi. SANA memlekettik agenttiginiń taratqan aqparattaryna qaraǵanda, úkimettik áskerıler bul operasııany birneshe kún ishinde júzege asyrǵan.
Osynyń nátıjesinde 100-den astam terrorshy óltirilip, pýlemetter ornatylǵan 15 avtokólik joıylǵan. Sonymen qatar, Damaskide 100-ge jýyq sodyr tutqyndalǵan. Keshe belgili bolǵanyndaı, Damask qalasynyń mańaıynda Sırııa armııasynyń tikushaǵy atyp túsirilgen sııaqty. Bul jóninde Sırııa bıligi men memlekettik BAQ-tar eshnárse aıtpaı otyr. Prezıdent Bashar Asadtyń áskerıleri men oppozısııalyq kúshter arasyndaǵy qaqtyǵystyń bastalǵanyna 18 aıdan asty. Osy jyldyń jazynda ol keń kólemdegi azamat soǵysyna ulasty.
Tyıym salý qajet dep sanaıdy
Reseılikterdiń úshten ekisi sheneýnikterdiń shetelderde dúnıe-múlik ustaýlaryna tolyq tyıym salý qajet dep esepteıdi. Búkilreseılik qoǵamdyq pikirlerdi zertteý ortalyǵynyń júrgizgen saýaldamasynyń qorytyndysy osyny kórsetip otyr.
«Kommersant» basylymynda jarııalanǵan saýaldamanyń málimetteri boıynsha atalǵan máselege suraý salynǵan reseılikterdiń 61 paıyzy zańnamany qataıtý sheneýnikter men depýtattarǵa qatysty ekendigin aıtqan. Al 28 paıyzy sheneýnikterdiń shetelderde aktıvter ustaýyna tyıym salýdyń qajeti joq, biraq olarǵa erekshe esep júrgizgen jón, dep jaýap bergen. Sondaı-aq suraý salynǵandardyń 62 paıyzy bul talaptardy oryndamaǵandardy qatań jazalap, bas bostandyqtarynan aıyrý jazasyna tartý túrlerin engizý kerek dep esepteıdi.
Saıası baspana surady
Tbılısı túrmesindegi jazasyn óteýshilerge zorlyq-zombylyq jasaǵany týraly túsirilgen beınejazbanyń avtory Vladımır Bedýkadze Belgııa bıligine ózine jáne otbasy múshelerine saıası baspana berýdi ótingen resmı hat joldady. Bul jóninde ITAR-TAAS agenttigi habarlady.
Bedýkadze Grýzııa bıligi ózine jáne otbasyna qaýip tóndirip otyr, qysym kórsetip jatyr, dep málimdegen sııaqty hatynda. Ol sondaı-aq Belgııa aýmaǵynda ózin tolyq qaýipsiz sezine almaıtynyn da aıtqan. Bedýkadze buryn Glandsk túrmesinde istep, osy jyldyń mamyrynda basqa elge ketken eken. Qazirgi kezde ol Belgııa aýmaǵynda turyp jatqan kórinedi. Túrmedegilerge zorlyq-zombylyq kórsetilgeni týraly beınejazba 18 qyrkúıekte kórsetildi. Sonyń kesirinen aldymen Grýzııanyń jazany oryndaý isteri jónindegi mınıstr H.Kalmahelıdze, odan keıin ishki ister mınıstri B.Ahalaıa otstavkaǵa ketti.
Aýmaqtyq daýdyń salqyny
Qytaı úkimeti pıanıst Iýndı Lıdiń Japonııaǵa gastroldik saparmen barýyn toqtata turǵany jón dep tapty. Jospar boıynsha ol Japonııaǵa 2013 jyldyń qańtarynda barýy tıis edi.
Japonııa basylymdarynyń jazýynsha, Qytaı bıliginiń bul sheshimi Japonııa men Qytaı arasyndaǵy aralǵa qatysty týyndaǵan daýǵa tikeleı baılanysty. Eki eldiń arasyndaǵy daý Shyǵys Qytaı teńizindegi adam turmaıtyn (Qytaı ony Dıaoıýıjaoıý, Japonııa Senkaký dep ataıdy) aralǵa baılanysty órshigen edi. О́ıtkeni, ústimizdegi jyldyń tamyzynda japondyq belsendiler toby osy aralǵa baryp, Japonııanyń týyn ornatty. Bul Qytaı tarapyna unamady. Onyń sońy Qytaı aýmaǵyndaǵy Japonııa kompanııalarynyń jumysyn toqtatýyna soqtyrdy.
Internet materıaldary negizinde ázirlendi.
